ރާއްޖޭން ބޭރުން އިސްލާމް ކިޔަވައިދޭން ޓީޗަރުން ގެނައުމަކީ ބޮޑު ޖަރީމާއެއް ކަމަށް ރައްޔިތުންގެ މަޖިލީހުގެ މައިނޯރިޓީ ލީޑަރު އަހުމަދު ސަލީމް (ރެޑްވޭވް ސަލީމް) ވިދާޅުވެއްޖެއެވެ.
ސަލީމް އެހެން ވިދާޅުވީ ހަރުކަށި ފިކުރަށް ދަރިވަރުން ދިއުން ހުއްޓުވަން އިސްލާމް ކިޔަވައިދޭން ރާއްޖެއިން ބޭރުން ޓީޗަރުން ގެނައުމަށް އެޑިއުކޭޝަން މިނިސްޓްރީން ވިސްނަމުން ދާ ކަމަށް އެމްޑީޕީގެ "މެއި ހައެއް ކޮމެޓީ" އިން ބުނުމާ ގުޅިގެންނެވެ.
އެކަމާ ގުޅިގެން ސަލީމް ކުރެއްވި ޓްވީޓެއްގައި ވިދާޅުވީ އެކަމަކީ އިސްލާމީ ރިވެތި އުސޫލު ރާއްޖެއިން ފޮހެލުމަށްޓަކާ ހިންގާ ބޮޑު ޖަރީމާއެއް ކަމަށެވެ. އަދި މިހާރުން މިހާރަށް އެ ޖަރީމާ ހުއްޓާލުމަށް ސަލީމް ވަނީ ގޮވާލައްވާފައެވެ.
ސަލީމްގެ އިތުރުން ޕީއެންސީގެ ނައިބު ރައީސް އަދި މަޑުއްވަރީ ދާއިރާގެ މެންބަރު އާދަމް ޝަރީފް އުމަރު ކުރެއްވި ޓްވީޓެއްގައި ވިދާޅުވީ މިއީ ވަރަށް ނުރައްކާތެރި ފިޔަވަޅަކަށް ވެދާނެ ކަމަށެވެ. އަދި ބޭރުން ގެންނަ މީހުންނަކީ "އެކްސްޓްރީމިޒަމް"، "ޓެރަރިޒަމް" ގެ އެޖެންޓެއް ނޫންކަން ކަށަވަރުކުރަން ދަތިވާނެ ކަމަށް ޝަރީފް ވިދާޅުވިއެވެ.
ޝަރީފް އިތުރަށް ވިދާޅުވީ ކުދިން ތަރުބިއްޔަތެއް ނުކުރެވޭނެ ކަމަށާ ބަހުރުވައަކީ ވެސް މައްސަލައަކަށް ވާނެ ކަމަށެވެ. އަދި ދިވެހިންނަށް ވަޒީފާގެ ފުރުސަތު ގެއްލޭނެ ކަމަށް ވެސް ޝަރީފް ވިދާޅުވިއެވެ.
އެމްޑީޕީގެ މެއި 6 ކޮމިޓީން ކުރަމުންދާ މަސައްކަތުގެ މައުލޫމާތު ދިނުމަށް ރޭ ބޭއްވި ގައުމީ މަޖިލީހުގެ ޖަލްސާގައި ވާހަކަ ދައްކަވަމުން އެ ކޮމެޓީގެ މުގައްރިރު ހަސަން އަފީފް ވަނީ ކޮމެޓީގެ މެންބަރުން މިދިޔަ ބުރާސްފަތި ދުވަހު އެޑިއުކޭޝަން މިނިސްޓަރު ޑރ. އައިޝަތު އަލީ އާއެކު ބޭއްވި ބައްދަލުވުމުގައި ދަރިވަރުންގެ ތެރޭގައި ހަރުކަށި ފިކުރު ފެތުރިފައި އޮތް މިންވަރާމެދު ވާހަކަ ދެކެވިފައިވާ ކަމަށް ވިދާޅުވެފައެވެ.
އެގޮތުން ރަށްރަށުގައި ހަރުކަށި ފިކުރަށް ހެއްލޭ ބައެއް ކުދިން ފާހަގަކުރެވިފައިވާ ކަމަށާ އެކަންކަން ހުއްޓުވަން އެޑިއުކޭޝަން މިނިސްޓްރީން ކުރަމުން ގެންދާ މަސައްކަތްތަކުގެ ތެރެއިން ވަކި އަދަދަކަށް އިސްލާމް ކިޔަވައިދޭން ބޭރުން ޓީޗަރުން ގެނައުމުގެ ވިސްނުމެއް މިނިސްޓްރީން ގެންގުޅުއްވާ ކަމަށް އަފީފް ވިދާޅުވިއެެވެ.
އެމްޑީޕީ އިން ހިތް ހަމަޖެހޭނީ ހިންދީން ލައްވާ އިސްލާމް ކިޔަވާ ދެވޭ ގޮތެއް ހެދުނު ދުވަހަކުން.
މިއަގަތަޅަނީ ކޮންތާކުން ކިޔަވާގެން އާސް ހުރި ބުރާންޗެށްތޯ... ލަދުން ބޯހަލާކު ... ސުރުތުނޯނަ ބޮޑުމުސާރަ ލިބޭ ވަޒީފާތަކަކީ މަޖުލީސް؟ ކަޢުންސިލު ކިހާހެށްވާ 85ފަސްހާހުން 45ހާހުން ރަށްޔިތުންގެ ޓެކުސް ފާސާއިން މުސާރަ ނަގާގެން ތިބެ ކުރާކަމަކީ އަނގަތެޅުން. ލަދުން ބޯހަލާކު... ސަރުތު ކަޑައަޅަންވީ.. މާސްޓާސް ނެތިއްޔާ ކުރިމަތިނުލެވޭ ގޮތަށް ހަދަންވީ ޤާނޫނު ހަދަން ހުސްބުރާތިން ލީމަ ކާކަމަކުނުދޭ...އޮފީހެއްގެ ވަޒީފާވިއްޔާ ސަރުތު ތަޖުރިބާ. ބޯފަޅާގެންދޭ..ލިބެނީ 5250 ރުފިޔާ ކިހާ ހެއްވާ ...