ޑިފެންސް މިނިސްޓްރީގެ ޑެޕިއުޓީ މިނިސްޓަރު ހުސައިން ޒަމީލުގެ މައްޗަށް ދައުވާކޮށްދިނުމަށް ރައްޔިތުންގެ މަޖިލީހުގެ އިދާރާއިން ޕްރޮސެކިއުޓާ ޖެނެރަލް (ޕީޖީ) އޮފީހުގައި އެދެފިއެވެ.
ޖަމީލަށް ދައުވާކޮށްދިނުމަށް ޕީޖީއަށް ފޮނުވާފައި ވަނީ، މަޖިލީހުގެ ސަލާމަތީ ހިދުމަތްތަކުގެ 241 ކޮމިޓީއަށް ވަކިވަކި ސިފައިން ހާޒިރު ކުރުމަށް އެ ކޮމިޓީން ނިންމުމުން އެކަމަށް އިންކާރުކޮށް މަޖިލީހަށް ފޮނުވި ސިޓީގައި ޒަމީލުގެ ސޮއި އޮތުމުންނެވެ.
މަޖިލީހުގެ ސަލާމަތީ ހިދުމަތްތަކުގެ 241 ކޮމިޓީން ވަނީ ސިފައިންގެ ތެރެއިން 40 މީހަކު، އެ ކޮމިޓީން ކުރިޔަށް ގެންދާ އިންކުއަރީއެއްގެ ބޭނުމަށް ހާޒިރު ކޮށްދިނުމަށް އެދިފައެވެ. މި އިންކުއަރީއަކީ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދުގެ ސެކިއުރިޓީ ފޫއަޅުވާލި ގޮތުގެ މައްޗަށް އެ ކޮމިޓީން ހިންގާ އިންކުއަރީއެކެވެ.
ޑިފެންސް މިނިސްޓްރީން މަޖިލީހަށް އަންގާފައިވާ ގޮތުން ވަކިވަކި ސިފައިންގެ ބަދަލުގައި މަޖިލީހަށް ޖަވާބުދާރީ ވާނީ އެ މުއައްސަސާއިންނެވެ.
ސިފައިންގެ އިތުރުން ވަކިވަކި ފުލުހުންވެސް މަޖިލީހަށް ހާޒިރު ކޮށްދޭން މަޖިލީހުން އެދިފައި ވެއެވެ. މަޖިލީހުން މިގޮތަށް އެދުމުން ފުލުހުންގެ މުއައްސަސާއިން ވަނީ އެގޮތަށް ހާޒިރު ވާނެކަމަށް މަޖިލީހަށް އަންގާފައެވެ.
މާރިޔާ ގެ ކަޒިން މީ
މަޖިލިސް އަކީ ފަހުބަސް ބުނަން އޮންނަ ފަރާތެއްްނުން. މަޖިލިސް މައިތިރި ކުރުވާނެ ބަޔަކުވެސް ތިނެންޖެހޭ! މަޖިލިސް ހައްދު ފަހަނަ އަޅައިފި.