ރާޢްޖޭގެ ސަރަހައްދުގައި މަސްވެރިކަން ކުރަން އުޅުނު މަސް ބޯޓެއް އަތުލައިފިއެވެ.
އެމްއެންޑީއެފުން ބުނީ ހދ. ނައިވާދޫ ހުޅަނގުން 7 ނޯޓިކަލް މޭލު ބޭރުން ބޭރުގެ މަސް ބޯޓެއް ފެނިގެން އެމްއެންޑީއެފް ނޯދަން އޭރިއާ ކޯސްޓް ގާޑު ސްކޯޑުރަން އިން ހަރަކާތްތެރި ވާން ފަށާފައިވާ ކަމަށެވެ.
މި މަސްބޯޓު އާ ބެހޭ މައުލޫމާތު މިއަދު 05:42 ހާއިރު އެމްއެންޑީއެފް ކޯސްޓް ގާޑަށް ދީފައިވަނީ އެ ސަރަހައްދުގައި މަސްވެރިކަން ކުރަން އުޅުނު "ރަންދި" ނަމަކަށް ކިޔާ ދޯންޏަކުން ކަމަށް އެމްއެންޑީއެފުން ވަނީ ބުނެފައެވެ.
ރާއްޖެ އަކީ ކަނޑުގެ ސަރަހައްދު ބޮޑު ގައުމަކަށް ވެފައި ރާއްޖޭގެ ކަނޑުގެ ސަރަހައްދުން ގަވާއިދާ ހިލާފަސް މަސްވެރިކަން ކުރަން ދޭތެރެ ދޭތެރެއިން އުޅަނދުތައް ވަދެއެވެ.
އާންމުކޮށް ރާއްޖޭގެ ކަނޑުގެ ސަރަހައްދަށް ވަންނަ މި ބާވަތުގެ އުޅަނދުތައް އިތުރަށް ބަލާ ފާސް ކުރާ އިރު މަސްތުވާތަކެތި ފެންނަ ނިސްބަތްވެސް މަދެއް ނޫނެވެ.
