މާލޭގައި ކޮވިޑް-19ގެ ކޭސްތައް އިތުރުވުމާ ގުޅިގެން ޕާކު ތަކާއި މައިދާންތައް ބަންދު ކުރަން ނިންމައިފިއެވެ.
މާލެ ސަރަހައްދުގައި ކޮވިޑް-19 ފެތުރުން އިތުރުވެފަ އިވާތީ އެޗްޕީއޭއިން ފިޔަވަޅުތައް ވަރުގަދަ ކުރަމުން ދާއިރު މާދަމާ އިން ފެށިގެން ޕާކުތަކާއި މައިދާން ތަކަށް މީހުން ޒިޔާރަތް ކުރުން ކުރިޔަށް އޮތް ދެ ހަފްތާ އަށް ހުއްޓާލުމަށް އެޗްޕީއޭ އިން ވަނި އަންގާފައެވެ.
ޕާކުތައް ބަންދު ކުރި ނަމަވެސް ކަސްރަތު ކުރުމަށް ކަނޑައަޅާފައިވާ ޕާކުތަކާއި މައިޒާންތައް، އެކަނި ކަސްރަތު ކުރާ ފަރާތްތަކަށް ބޭނުން ކުރެވޭނެ ކަމަށް އެޗްޕީއޭއިން ވަނީ ބުނެފައެވެ.
އެޗްޕީއޭ އިން ވަނީ އެކަނި ކުރާ ކަސްރަތު ފިޔަަވައި ހުރިހާ ކުޅިވަރު ހަރަކާތްތަކާއި ކަސްރަތުތައް ކުރިއަށް އޮތް ދެ ހަފްތާއަށް ހުއްޓާލުމަށް ވެސް އަންގާފައެވެ.
މާލޭ ސަރަހައްދުގައި ކޮވިޑް ކޭސްތައް އިތުރުވަމުން ދާއިރު އެޗްޕީއޭ އިން އަޅާފައިވާ އިތުރު ފިޔަވަޅުތަކުގެ ތެރޭގައި ކުރިއަށް އޮތް 2 ހަފްތާގައި ރޭގަނޑު 11 އިން ފެށިގެން ފަތިހު 4:30 އަށް މާލެ ސަރަހައްދުގައި ވަނީ ކާފިއު އިއުލާން ކޮށްފައެވެ.
އޭގެ އިތުރުން މާދަމާ ރެއިން ފެށިގެން ރޭގަނޑު 08:30 އިން ފަތިހު 04:30 އަށް މާލެ ސަރަހައްދުގައި އެއްގަމު އުޅަނދު ދުއްވުން ވެސް ވަނީ މަނާކޮށްފައެވެ.
