ކުރީގެ ރައީސް އަބްދުﷲ ޔާމީންގެ ދޫކޮށްލުމަށް ގޮވާލާ ޕީޕީއެމްގެ ސަޕޯޓަރުން އިހުތިޖާޖު ކުރަމުން އެބަދެއެވެ.
ރައީސް ޔާމިންގެ ސަޕޯޓަރުން ބާޒާރު މަތީ ސަރަހައްދުގައި މިވަގުތު އިހްތިޖާޖް ކުރަމުންދަނީ ގއ. ވޮޑަމުލާ ކުއްޔަށް ދޫކުރުމުގައި މަނީ ލޯންޑާކޮށްފައިވާ ކަމަށް ބުނާ މައްސަލައިގައި ޔާމިންގެ މައްޗަށް ހުކުމް އިއްވުމަށް ހައިކޯޓުގައި ބާއްވާ އަޑުއެހުން ކުރިއަށްދާ ދަނޑިވަޅެއްގައެވެ. މި މައްސަލަ ހައިކޯޓުން ބަލަނީ ރައީސް ޔާމީންގެ ފަރާތުން ދަށު ކޯޓުގެ ހުކުމް ހައިކޯޓުގައި އިސްތިއުނާފު ކުރެއްވެމުންނެވެ.
މި ހުކުމް ލައިވް ކޮށް ދައްކަމުން ދާއިރު ޕީޕީއެމްގެ ސަޕޯޓަރުން އަންނަނީ ބާޒަރުމަތި ސަރަހައްދުގައި ރައީސް ޔާމީން ދޫކޮށްލުމަށް ގޮވާލާ އިހުތިޖާޖު ކުރަމުންނެވެ.
މި އިހުތިޖާޖުގައި ބައެއް ސަޕޯޓަރުން ދަނީ ރައީސް ޔާމީން މިނިވަން ކުރުމަށް ގޮވާލުމުގެ އިތުރަށް ސަޕޯޓަރުން ދަނީ ޝުއޫރު ފާޅު ކުރަމުންނެވެ. އެގޮތުން
އޭގެ އިތުރުން ރައީސް ޔާމީންގެ ސަޕޯޓަރުން ގެންދަނީ މިއަދުގެ ސަރުކާރަށާއި ރައީސް އިބްރާހިމް މުހައްމަދު ސޯލިހަށް ވަރަށް ބޮޑަށް ފާޑުކިއަމުންނެވެ.
އެސަރަހައްދުގައި ފުލުހުން ހަރަކާތްތެރިވަމުން އަންނައިރު ފުލުހުން ވަނީ ސަލާމަތީ ބޭނުމަކަށްޓަކައި ގްރީން ޒޯން އަދި ހައި ކޯޓު ހިމެނޭ ސަރަހައްދު މިއަދު 01:00 އިން ފެށިގެން އާންމު ދަތުރުފަތުރަށް ބަންދު ވެސް ކޮށްފައެވެ.
ގއ ވޮޑަމުލާ ކުއްޔަށް ދޫކުރުމުގައި މަނީ ލޯންޑާ ކޮށްފައިވާ ކަން ސާބިތުވެ، ކްރިމިނަލް ކޯޓުން ރައީސް ޔާމީންގެ މައްޗަށް ހުކުމް ކޮށްފައި ވަނީ 5 އަހަރު ދުވަހަށް ޖަލަށް ލުމަށާއި، 5 މިލިއަން ޑޮލަރުން (77 މިލިއަން ރުފިޔާ) ޖޫރިމަނާ ކުރުމަށެވެ.
