ށ. ކޮމަންޑޫ އިން މީހަކު ކޮވިޑް-19 އަށް ޕޮޒިޓިވް ވެއްޖެއެވެ.
' ދަ ޕްރެސް' އަށް މައުލޫމާތު ދެމުން އެރަށު ކައުންސިލުން ބުނީ ޕޮޒިޓިވްވެފައިވަނީ އަންހެނެއް ކަމަށެވެ. އަދި އެމީހާ ޕޮޒިޓިވް ވި ކަން އެނގިފައިވަނީ ހޯމް ކަރަންޓީނުގައި 14 ދުވަސް ފުރިހަމަ ކޮށް ނެގި ސާމްޕަލް އިން ކަމަށެވެ.
މިއީ ކޮމަންޑޫ އިން ޕޮޒިޓިވް ކޭހެއް ފެނުނު ފުރަތަމަ ފަހަރެވެ.
މިހާތަނަށް ކޮވިޑް ޖެހުނު މީހުންގެ ޖުމްލަ އަދަދު ވަނީ 11،822 އަށް އަރާފައެވެ. އަދި ބަލިން ރަނގަޅުވި ޖުމްލަ މީހުންގެ އަދަދު ވަނީ 10،991 އަށް އަރާފައެވެ.
ކޮވިޑް ޖެހިގެން މިހާތަނަށް ނިޔާވި މީހުންގެ އަދަދު ވަނީ 38 އަށް އަރާފައެވެ.
އިއްޔެ އާ ހަމައަށް މި ބައްޔަށް ފަރުވާ ކުރަމުންދާ ނުވަތަ އެކްޓިވް ކޭސްތައް އުޅެނީ މާލެ ސަރަހައްދުގެ އިތުރުން، ރާއްޖޭގެ 18 ރަށެއްގައެވެ. އަދި 30 ރިސޯޓެއްގައި ވެސް އެކްޓިވް ކޭސްތައް އުޅޭއިރު، 46 ފަތުރުވެރިންނާއި 127 ރިސޯޓް މުވައްޒަފުން އެކްޓިވް ކޭސްގެ ގޮތުގައި އެބަ ތިއްބެވެ.
