މަގުމަތިން ހިނގާފައި ދިޔަ ބިދޭސީއެއްގެ އަތުން ފޯނަކާ 1000 ރުފިޔާ ފޭރި ގަނެފައި ވާކަމަށް ފުލުހުން ބުނެފިއެވެ.
ފުލުހުން ބުނީ ފާށަނަކިލީފާނު މަގުން ހިނގާފައި ދިޔަ ބިދޭސީއެއްގެ އަތު ފޯނަކާ 1000 ރުފިޔާ ފޭރިގަނެގެން ދުވެ ފިލަން އުޅުނު މީހަކު، އެވަގުތު އެ ސަރަހައްދުގައި ހަރަކާތްތެރި ވަމުންދިޔަ ފުލުހަކަށް ފެނިގެން ހިފަހައްޓާފައި ވާކަމަށެވެ.
ފުލުހުން ބުނީ އޭނާ ވަނީ ފޭރުނު ތަކެއްޗާ އެކު ފުލުހުންގެ ބެލުމުގެ ދަށަށް ހާޒިރުކޮށްފައި ކަމަށެވެ.
މިފަހަކަށް އައިސް ފޭރުމާއި ވައްކަމުގެ މައްސަލަތައް ގިނަކަމަށާ މާލެ ސިޓީގައި ފޭރުން ފަދަ މައްސަލަތައް ގިނަ ކަމަށް ފުލުހުން ބުނެއެވެ.
