9 އަހަރުގެ އަންހެން ކުއްޖާ އަށް ޖިންސީ އަނިޔާ ކުރި މައްސަލައިގައި ހައްޔަރު ކުރި މީހާގެ ބަންދަށް 15 ދުވަސް ޖަހައިފިއެވެ.
9 އަހަަރުގެ ކުޑަ އަންހެން ކުއްޖަކަށް ޖިންސީ އަނިޔާ ކުރި މައްސަލައިގައި އިއްޔެ ފުލުހުންގެ ބެލުމުގެ ދަށަށް ގެންދިޔަ 71 އަހަރުގެ ފިރިހެން މީހާގެ ބަންދަށް މިއަދު މެޖިސްޓްރޭޓް ކޯޓުން 15 ދުވަސް ޖަހާފައިވާ ކަމަށް ފުލުހުން ބުނެއެވެ.
މިމީހާގެ އިތުރުން 9 އަހަރުގެ ކުޑަ އަންހެން ކުއްޖާގެ ދެ ބޭބެއިން އޭނާއަށް ޖިންސީ އަނިޔާ ކުރިކަމަށް ފުލުހުން ތުހުމަތުކުރެއެވެ. މި ދެކުދިންނަކީ އުމުރުން 13 އަހަރާއި 16 އަހަރުގެ ދެ ކުދިންނެވެ. ފުލުހުން ބުނީ މި މަހު 10 ވަަނަ ދުވަހުގެ ރޭ 10:40 ހާއިރު އުމުރުން 9 އަހަރުގެ ކުޑަ އަންހެން ކުއްޖަަކަށް ޖިންސީ ހާނިއްކަ ލިބޭ ކަމަށް އަތޮޅު ތެރެއިން ފުލުހުންނަށް ރިޕޯޓް ކޮށްފައިވާ ކަމަށެވެ.
މި މައްސަލައިގައ ފުލުހުން ހައްޔަރު ކުރީ މި ކުޑަ އަންހެން ކުއްޖާގެ މަންމަގެ ލޯބި ވެރިޔާކަމަށް ބައެއް މީޑިއާތަކުންނާއި ސޯޝަލް މީޑިއާގައި ބުނަމުންދެއެވެ.
ފުލުހުން ދަނީ މި މައްސަލަ ފެމިލީ، ޗައިލްޑް، އެންޑް ސޯޝަލް ސާވިސަސް ސެންޓަރާއި ގުޅިގެން އިތުރަށް ތަހުގީގު ކުރަމުންނެވެ.
