ފަރަގު ކުޑަ ވުމުގެ ސަބަބުންނާއި ބާތިލު ވޯޓު ގިނަވުމުގެ ސަބަބުން ލ. މާވަށު ދާއިރާގެ 3 ވޯޓު ފޮށްޓެއް އަލުން ގުނުމަށް ނިންމައިފިއެވެ. މިކަން އިކެލްޝަންސް ކޮމިޝަންގެ ރައީސް އަހްމަދު ޝަރީފް ވަނީ ކަށަވަރު ކޮށްދެއްވާފައެވެ. އެކަމަކު މިކަމާ ގުޅުން ހުރި އިތުރު ތަފްސީލް އިސީން އަދި ހާމަ ކޮށްފައެއް ނުވެއެވެ.
އިންތިހާބުގެ ވަގުތީ ނަތީޖާތައް ދައްކާ ގޮތުން މާވަށު ދާއިރާގެ ގޮނޑި ކާމިޔާބު ކުރައްވާފައި ވަނީ، ކުރީގެ އިކޮނޮމިކް މިނިސްޓަރު އަދި ޕީޕަލްސް ނެޝަނަލް ކޮންގްރެސް (ޕީއެންސީ)ގެ ނައިބު ރައީސް މުހައްމަދު ސައީދެވެ. ސައީދަށް 853 ވޯޓު ލިބިވަޑައިގެންނެވި އިރު ފަލާހަށް ލިބުނީ 847 ވޯޓެވެ. ސައީދުއާއި ފަލާހުގެ އިތުރުން 2 ކެންޑިޑޭޓަކު ވެސް މި ދާއިރާއަށް ވާދަ ކުރިއެވެ.
އިބްރާހިމް ފަލާހާއި މުހައްމަދު ސައީދުގެ ތަފާތު އުޅެނީ އެންމެ 6 ވޯޓެވެ.
މާވަށު ދާއިރާގެ 2789 ރައްޔިތަކަށް ވޯޓު ލުމުގެ ހައްގު ލިބިފައި ވާއިރު ވޯޓު ލާފައި ވަނީ، 2421 މީހުންނެވެ. އޭގެ ތެރެއިން 30 ވޯޓަކީ ބާތިލު ވޯޓެވެ.
67 ގޮނޑި އާއެކު އެކު މަޖިލީހުގެ ސާފު މެޖޯރިޓީ މިހާރު ވެސް ލިބިފައިވަނީ ވެރިކަން ކުރާ އެމްޑީޕީއަށެވެ. ޕީޕީއެމްއާ ޕީ އެންސީއަށް މިފަހަރުގެ އިންތިހާބުގައި ލިބިފައިވަނީ ޖުމްލަ ހަތް ގޮނޑިއެވެ.
