ކުރީގެ ރައީސް އަބްދުﷲ ޔާމީނަށް ނޭވާލެވެން އަންނަނީ މިދިޔަ ފަސް އަހަރު ދުވަހު ތެރޭގައި ހިންގި ޖަރީމާތައް އަނެއްކާވެސް ހިންގައިގެން ކަމަށް ވިދާޅުވެ ކުރީގެ ރައީސް މުހައްމަދު ނަޝީދު ޔާމީނަށް ހޫނު ރައްދެއް ދެއްވައިފިއެވެެ.
ނަޝީދު ޔާމީނަށް ހޫނު ރައްދެއް ދެއްވާފައި ވަނީ، މަޑުއްވަރީ ދާއިރާއަށް ވާދަކުރައްވާ ކުރީގެ ޑިފެންސް މިނިސްޓަރު އާދަމް ޝަރީފުގެ ކެމްޕޭން ޖަލްސާއަށް ހުކުރު ދުވަހުގެ ރޭ ފޯނުން ގުޅުއްވާ، ހަމަނޭވާ ލެވެން އޮތީ މިފަހަރު ރައްޔިތުންގެ މަޖިލީހުގެ އިންތިހާބުގައި ގިނަ ގޮނޑިތަކެއް ޖޭޕީ އާއި ޕީޕީއެމާއި ޕީއެންސީއަށް ދީގެންކަމަށް ވިދާޅުވުމުންނެވެ.
"ތަކުރާރުކޮށް ދަންނަވަން ރާއްޖޭގެ މަސްލަހަތު އޮތީ އަމާންކަން އޮތީ އަދި ރާއްޖޭގައި އެއްވެސް ބަޔަކަށް ހަމަނޭވާ ލެވެން އޮތީ މިފަހަރު ރައްޔިތުންގެ މަޖިލީހުގެ އިންތިހާބުގައި ގިނަ ގޮނޑިތަކެއް ޖޭޕީ އާއި ޕީޕީއެމާއި ޕީއެންސީ ދީގެން" ރައީސް ޔާމީން ވިދާޅުވިއެވެ.
ޔާމީންގެ ވާހަކަތަކަށް ރައްދު ދެއްވައި ނަޝީދު ވިދާޅުވީ، ޔާމީންގެ ވެރިކަމުގައި ކުރެއްވި ކަންކަން ދިވެހިރާއްޖޭގެ ރައްޔިތުން ހަނދާން ނުނެތޭ ކަމަށާއި، ޔާމީން އެ ވިދާޅުވަނީ ތިމަންނާއަށް އަނެއްކާ ނޭވާލެވެން އޮތީ ގޮތްނޭނގޭ ގޮތަށް އެތައްބަޔަކު މަރާލެވިގެންނާއި، ދިވެހިރާއްޖޭގައި ކޮރަޕްޝަނާއި ފަސާދަ އިންތިހާއަށް ހިންގުނީމަ ކަމަށް ނަޝީދު ވިދާޅުވިއެވެ.
"ޑރ. އަފްރާޝީމް އަވަހާރަކޮށްލީ. އަދި އެހެންވެސް ނޫސްވެރިންނާ އެތައް ބައެއް ގެއްލުވާލުން. ވީނުވީއެއް ނޭނގި އެތައް ބައެއް މަރުވެދިޔުން. ޔާމީނަށް ނޭވާލެެވެން އަންނަނީ އަނެއްކާވެސް މި ޖަރީމާތައް ހިންގުނީމަ" ނަޝީދު ވިދާޅުވިއެވެ.
ނަޝީދު ވިދާޅުވީ ޔާމިނަށް ނޭވާލެވޭނެކަމަށް އެ ވިދާޅުވަނީ، އަނެއްކާ ވެސް ހުދުމުހުތާރު ވެރިކަން އެމަނިކުފާނަށް ލިބިގެން ކަމަށެވެ. އަދި މަޖިލީހުގެ 60 އެތައް ގޮނޑިއެއް ޔާމީންގެ އަތްޕުޅުގައި އޮވެ ކުރި ކަންތައް ފެނިވަޑައިގެންފި ކަމަށާއި، އެހެންކަމުން ޔާމީން އެ ވިދާޅުވަނީ އެމަނިކުފާނަށް ނޭވާ ލެވޭނީ އަމިއްލަ ބޭބެ ގެނެސް ޖަލާ، ބޮޑުބޭބެ ކިޔާ ދަރި ބޭބެ ކައިރީގައި ޖެހިގެން އިން ގޮޅީގައިލުމުން ކަމަށެވެ. އަދި ޔާމީނަށް އަނެއްކާވެސް ނޭވާ ލެވޭނީ އެމަނިކުފާނު ގުނބޯ ހައްދާ ޖޭޕީގެ ލީޑަރު ގާސިމް އިބްރާހީމާއި އޭނާގެ އަމިއްލަ ދަރިކަލުން ގޮޅިއަށް ލެވުނީމަ ކަމަށެވެ.
"ނޭވާ ލެވޭނީ އެ ވިދާޅުވާގޮތުގައި ރާއްޖޭގެ ހުރިހާ ސިޔާސީ ލީޑަރުން ގެނެސް ހިފާ ހައްޔަރުކުރީމަ. ނޭވާ އެވިދާޅުވަނީ ތިމަންނާއަށް ހަމަޖެހިލައިގެން ލެވޭނީ އެމްއެމްޕީިއާރުސީއާއި ސަރުކާރު ހިއްސާވާ ކުންފުނިތަކުން ގޯނި ގޯނީގައި ފައިސާ ގެނެސް ތިމަންނާގެ ގެއަށް ލެވުނީމައޭ. ނޭވާަ ތިމަންނާއަށް ލެވޭނީ ކަޅު ފައިސާ ބޭރުގައުމުތަކުން ގެނެސް ދިވެހިރާއްޖޭގެ މާލީ އިދާރާތައް ބޭނުން ކުރައްވައިގެން އެ ފައިސާ ދޮވެ އޭގެން އެތައް މިލިއަން ޑޮލަރެއް ނާޖާއިޒް ގޮތުގައި ނެގުނީމަ ނޭވާ ލެވޭނީ" ޔާމީނަށް ރައްދު ދެއްވަމުން ނަޝީދު ވިދާޅުވިއެވެ.
ނަޝީދު ވިދާޅުވީ ޔާމީނަށް ނޭވާލެވޭނެކަމަށް އެ ބުނަނީ ވަރަށް ގިނަ އަނިޔާ އަނެއްކާ ވެސް ކުރައްވައިގެން ކަމަށާއި، ރާއްޖޭގެ ރައްޔިތުން އެފަދައިން ނޭވާލާން ބޭނުން ނުވާ ކަމަށެވެ.
ކަލޭތީ ޖަރީމާއެއް ނުހިންގާ ހުރި އަލިފެއްތަ؟ ހުދު ފޮތިކޮޅެއްތަ؟ ޖަރީމާ ހިންގި މީހާ އެހެންމީހެއްގެ ޖަރީމާގެ ވާހަކަ ދެއްކީމަ އޭތި ހާދަ ހަމަނުޖެހެޔޭ، ފުރަތަމަ ތިމާމީހާ އިސްލާހުވޭ.
ޔާމީނަށް ނޭވާލެެވޭނީ ލާދީނީ ޖަރީމާތައް އަނެއްކާވެސް ހިންގައިގެން: ޖަޒީރާލައިފް
ބަނދަރާ ޕާރކް ތައްތޯ ބުރިޖު ތޯ؟؟؟
ނޭވާ ނުލެވިގެން ދެމީހުންވެސް އުޅެނީ. ދެމީހުން އަޅާބަލާއިރު ނަޝީދު ޤައުމަށް ދިން ގެއްލުން މާބޮޑު. ރާއްޖޭގެ މައި އެއަރޕޯރޓް ނުއަގުގަ ޖީއެމްއާރ އަށް ދިނުމާ. ސަރުކާރުކުންފުނީތަށް ވިއްކާލުމާ. ރައްތަށް ބިޑަކާނުލައި ޕާޓީމީހުންނަށް ދިނުމާ. ކަރެޕްޝަންގެ އެތައް އަމަލެއްހިންގުމާ. ޑރ. އަފްރާޝީމް އަވަހާރަކޮށްލި މީހުން އެރޭ ރާއްޖެއިންބޭރަށް ފުރުވާލުމާ ޤައުމު އިންޑިޔާއަށް އަޅުވެތިކޮށް މިލިޓަރީ ފައުޖެއްބޭތިއްބުންފަދަ ގިނަކަންތައްތައްކުރެއްވި.