ޑީއެސްއޭއައި އާއި ޕީއެމްއެކްސްގެ ނަމުން މަޝްހޫރު އަންވަރު ބިން އިބްރާހިމްގެ އަކީ 2022 ވަނަ އަހަރުން ފެށިގެން މެލޭޝިއާގެ ބޮޑުވަޒީރުކަން ކުރައްވަމުން ގެންދަވާ އެ ގައުމުގެ 10 ވަނަ ބޮޑުވަޒީރެވެ. އަދި އޭނާއަކީ މެލޭޝިއާގެ ސިޔާސީ ބޭފުޅެކެވެ. ޕީޕަލްސް ޖަސްޓިސް ޕާޓީގެ މެންބަރެއްގެ ގޮތުގައި ހުންނެވުމަށްފަހު، 2018 ވަނަ އަހަރުން ފެށިގެން އެ ޕާޓީގެ ރައީސް ކަން އޭނާވަނީ ކުރައްވާފައެވެ. އަދި 2022 ވަނަ އަހަރުން ފެށިގެން ޓަމްބޫންގެ ޕާލަމެންޓްގެ މެންބަރުގެ އިތުރުން 2020 ވަނަ އަހަރުން ފެށިގެން ސިޔާސީ ކޯލިޝަން ޕަކަޓަން ހަރަޕަން (ޕީއެޗް) ގެ ޗެއާމަންއެއްގެ ގޮތުގައި އަންވަރު ވަނީ ގިނަ މަސައްކަތްތަކެއް ކުރައްވާފައެވެ.
ޔުނިވާސިޓީ އޮފް މެލޭގައި ގްރެޖުއޭޓްވި އަންވާރު ވަނީ މެލޭޝިއާގެ މުސްލިމް ދަރިވަރުންގެ ނޭޝަނަލް ޔޫނިއަންގެ އިތުރުން މެލޭޝިއާގެ އިސްލާމީ ޒުވާނުންގެ ހަރަކާތުގެ ރައީސްގެ މަގާމު އަދާކުރައްވައިފައެވެ. ކުރިން ދިގު މުއްދަތަކަށް ވެރިކަންކުރާ ބާރިސަން ނޭޝަނަލް ކޯލިޝަންގެ އޭރުގެ ޑޮމިނޭންޓް ޕާޓީއާ ގުޅުމުގެ ކުރިން މިފަދަ ގިނަ މަސައްކަތްތަކެއް އަންވަރު ވަނީ ކުރައްވާފައެވެ. 1997 ގައި އޭރު މެލެޝީއާގެ ބޮޑުވަޒީރު މަހާތީރު، ދެ މަސްދުވަހުގެ ޗުއްޓީއެއް ނެންގަވާ މަސައްކަތްތަކާ ދުރަށް ޖެހި ވަޑައިގެންނެވި ދަނޑިވަޅު އެކްޓިން ބޮޑުވަޒީރުގެ މަގާމަށް އަންވަރު އައްޔަން ކުރެއްވިއެވެ. މަހާތީރު ނެތުމުން، މަހާތީރުގެ ސިޔާސަތުތަކާ ސީދާ ފުށުއަރާ ގޮތަށް، އެގައުމުގެ ވެރިކަންކުރާ ނިޒާމުތަކަށް ބަދަލު ގެނައުމަށްޓަކައި، އަންވަރު ވަނީ މިނިވަންކަމާއެކު ރަގަޅު ފިޔަޅުތަކެއް އަޅުއްވާފައެވެ. މި ބަދަލުތަކާއި ގުޅިގެން މަހާތީރު އަދި އަންވަރުގެ މެދުގައި ސިޔާސީ ގޮތުން ގިނަ މައްސަލަތަކެއް އުފެދިގެން ދިޔައެވެ.
ސިޔާސީ މަސައްކަތްތަކުގައި އަބަދުވެސް ވަރަށް އިސްކޮށް އުޅުއްވި އަންވަރަށް، ސިޔާސީ ގޮތުން ގިނަ ފިއްތުންތަކާއި ކުރިމަތިވެ ޖަލުގައި ހޭދަކުރަންޖެހުނު ނަމަވެސް އޭނާގެ ސިޔާސީ ހިޔާތް ކާމިޔާބުކުރުމަށް ކުރަމުން ދިޔަ މަސައްކަތް ހުއްޓާނުލާ ކުރިއަށް ގެންދިޔައެވެ. ލިބަރަލް ރިފޯމް އަދި އިންޓެލެކްޗުއަލް އެއްގެ ގޮތުގައި މަޝްހޫރުވެފައިވަނީ އަންވާރު ވަނީ އިސްލާމީ ޑިމޮކްރަސީއަށް ވަކާލާތު ކުރައްވާ، އެކަމަށް ބުރަ މަސައްކަތްތަކެއް ކުރައްވާފައެވެ. އަދޮ މެލޭޝިއާ އަކީ މުސްލިމް ދުނިޔޭގައި ޑިމޮކްރެޓިކް އުސޫލުތަކުގެ މިސާލަކަށް ހެދުަމަށް ގިނަ މަސައްކަތްތަކެއް ކުރެއްވިއެވެ. އެގޮތުން އަންވަރު ވަނީ މުސްލިމް ގައުމުތަކުގައި ޑިމޮކްރަސީގެ އޮނިގަނޑެއްގެ ގޮތުގައި އުއްމަތުގެ އިސްލާމީ ތަސައްވުރަށް ތާއީދު ކުރައްވާ، ޖުޑިޝަލް މިނިވަންކަމާއި، ހެޔޮވެރިކަމާއި، ހުދުމުހުތާރު ވެރިކަމާ ދެކޮޅު ތެދުމަށް ހިތްވަރުދެއްވާ އެކަމަށް ގޮވާލައްވާފައެވެ.
ގިނަ ގޮންޖެހުންތަކާއި ދިގު އިންތިޒާރަކަށްފަހު 2022 ވަނަ އަހަރު ބޭއްވި އިންތިހާބު ކާމިޔާބުކޮށް ބޮޑުވަޒީރުކަމަށް އިންތިހާބުވެ ވަޑައިގެން އަންވަރު ވަނީ ސްކޫލްތަކުގައި އިސްލާމީ ދިރާސާތައް ކިޔަވައިދިނުމުގެ އުސޫލަށް ތާއިދުކޮށް ފުޅާދާއިރާއެއްގައި، 'ޔުނިވާސަލް ހިއުމަނިޓީ ވެލިއުސް' އުނގަންނައި ދިނުމަށް ބާރުއަޅާ އަދި ހުރިހާ ފެންވަރެއްގައި އިސްލާމީ ހަޟާރަތުގެ ތާރީހު ކިޔަވައިދިނުމަށް ތާއިދުކުރައްވާފައެވެ. ޑިޕާޓްމަންޓް އޮފް އިސްލާމިކް ޑިވެލޮޕްމަންޓް މެލޭޝިއާ (ޖޭއޭކިމް) ގެ ދައުރު ފުޅާކޮށް ދީން ކުރިއެރުވުމަށް ކުރަމުން ދިޔަ މަސައްކަތްތަކާއެކު އޭނާއަށް ގިނަ ގޮންޖެހުންތަކެއް ކުރިމަތިވިއެވެ. އިސްލާމީ ތައުލީމަށް ދިން އަހަމިއްޔަތާއެކު ކެޑާ ސްޓޭޓްގައި އިސްލާމީ ދީނީ މުއައްސަސާތަކަށް 8.9 މިލިއަން ރިންގިޓް ދޫކުރުމަށް އެ ގައުމުގެ ސަރުކާރުން ނިންމިއެވެ. ޖެނުއަރީ 28 2023 ގައި އަންވާރު ވަނީ، ސްވިޑެންގައި 2023 ވަނަ އަހަރު ޤުރުއާނުގެ އަންދާފައިވާތީ އެކަމަށް ރައްދުދީ ދުނިޔޭގެ އެކި ކަންކޮޅުތަކަށް ބެހުމަށްޓަކައި މެލޭޝިޔާއިން ޤުރުއާނުގެ އެއް މިލިއަން ކޮޕީ ޕްރިންޓް ކުރާނެ ކަމަށް އިއުލާން ކުރައްވާފައެވެ. މީގެ އިތުރުން އިޒްރޭލުން ހިންގަމުންދާ ޖަރީމާތައް ހުއްޓާލާ ފަލަސްތީނުގެ މިނިވަންކަމަށް ގޮވާލާ އަންވަރު ވަނީ ފަލަސްތީނުގެ ރައްޔިތުންނަށް 'އިންސާނުންގެ ދަރަޖަ ދިނުމަށް؛ ވަކާލާތުކުރައްވާފައެވެ. އިޒްރޭލަށް ދަތިކުރުމުގެ ފިޔަވަޅުތައް އެޅުމުގެ ގޮތުން އަންވަރު ވަނީ އިޒްރޭލުގެ ދިދަ ޖަހާފައިވާ އެއްވެސް ބޯޓެއް ބަނދަރުކުރުން ވަގުތުން މަނާކޮށްފައެވެ. މީގެ އިތުރުން އިޒްރޭލުގެ އުޅަނދުފަހަރު މެލޭޝިއާގެ ބަނދަރުތަކުގައި މުދާ އުފުލުންވެސް ވަނީ މަނާކޮށްފައެވެ.