މިހާރު ކުރިއަށްދާ ގޯލްޑަން ފުޓްސަލް ޗެލެންޖުގައި އުރީދޫ މޯލްޑިވްސްގެ ލަކީ ޑްރޯގެ ހާއްސަ އިނާމެއްގެ ގޮތުގައި ފިޓްސް އެއާގެ ފަރާތުން ދެ މީހަކަށް ކޮލަމްބޯ ދެކޮޅު ޓިކެޓު ހޯދުމުގެ ފުރުސަތު ހުޅުވާލައިފިއެވެ.
އުރީދޫ އިން ބުނީ މި ޕްރޮމޯޝަނުގައި، ގޯލްޑަން ފުޓްސަލް މެޗުތައް ކުރިއަށް ގެންދާ ދުވަސް ދުވަހު ރެހެންދި ޓާފު، ހުޅުމާލޭގައި ބެހެއްޓިފައިހުރި އެ ކުންފުނީގެ ޓެންޓުން އުރީދޫގެ ސާވިސްއެއް ނަގައިގެން ކޮންމެ ހަފުތާއަކު އަގުހުރި އިނާމެއް ހޯދުމުގެ ފުރުސަތު ލިބިގެން ދާނެކަމަށެވެ.
މި ލަކީ ޑްރޯގައި ބައިވެރިވާން ބޭނުންވާ ފަރާތްތަކުން އެ ޓެންޓުތަކުން އުރީދޫގެ ޕްރީޕެއިޑް، ޕޯސްޓްޕެއިޑް، ސުޕަނެޓް ހިދުމަތް ނުވަތަ 5ޖީ ޑިވައިސްއެއް ނަގައިގެން ބައިވެރިވުމުގެ ފުރުސަތު އޮންނާނެކަމަށް އުރީދޫއިން ވަނީ ބުނެފައެވެ.
އުރީދޫން ބުނީ މި ހިދުމަތްތައް ހޯދައިގެން ކޮންމެ ހަފްތާއަކު އަގުހުރި އެތައް އިނާމެއް ހޯދުމުގެ ފުރުސަތު ލިބިގެން ދާއިރު ލަކީ ޑްރޯގެ ހާއްސަ އިނާމެއްގެ ގޮތުގައި ފިޓްސް އެއާގެ ފަރާތުން ދެ މީހަކަށް ކޮލަމްބޯ ދެކޮޅު ޓިކެޓު ލިބިގެން ދާނެކަމަށެވެ. އުރީދޫން ބުނީ ޕްރޮމޯޝަން ކުރިއަށްދާނީ ފެބުރުއަރީ މަހު 25 ވަނަ ދުވަހު ގޯލްޑަން ފުޓްސަލް ޗެލެންޖު ނިމުމާ ހަމައަށް ކަމަށެވެ.
އިތުރަށް އުރީދޫއިން ބުނީ މެޗުތައް ކުރިއަށްދާ ކޮންމެ ދުވަހަކު ރެހެންދި ޓާފުގައި ބެހެއްޓިފައިވާ އެ ކުންފުނީގެ ޓެންޓުގައި އުރީދޫ ޓީމުން ކަސްޓްމަރުންނަށް އެހީތެރިވުމަށް ހަރަކާތްތެރިވަމުން ދާނެކަމަށެވެ.
