މޯލްޑިވްސް ބްރޯޑްކާޓިން ކޮމިޝަން (ބްރޯޑްކޮމް)ގެ ރައީސްގެ މަގާމަށް ސަފާ ޝަފީގް އައްޔަން ކޮށްފިއެވެ.
ބްރޯޑްކޮމްގެ ރައީސްގެ މަގާމަށް ސަފާ އައްޔަންކޮށްފައި ވަނީ މިއަދު ބޭއްވި އެ ކޮމިޝަނުގެ ބައްދަލުވުމުގައި ނެގި ވޯޓުގައި ބައިވެރިވި ބްރޯޑްކޮމްގެ މެންބަރުންގެ އިއްތިފާގުންނެވެ.
ބްރޯޑްކޮމްގެ މެންބަރުކަމަށް ސަފާ އައްޔަންކޮފައި ވަނީ 2023 ވަނަ އަހަރުގެ މެއި މަހުގެ ތެރޭގައެވެ.
ސަފާއަކީ ދިވެހިރާއްޖޭގެ ގައުމީ ޔުނިވާސިޓީއިން، މާސްޓާ އޮފް އާޓްސް އިން ސޯޝަލް ޕޮލިސީ، އަދި ލިމްކޮކްވިންގް ޔުނިވާސިޓީ އޮފް ކްރިއޭޓިވް ޓެކްނޮލޮޖީ އިން މާސްޓާ އޮފް ކޮމިއުނިކޭޝަން ހާސިލް ކުރައްވާފައިވާ ފަރާތެކެވެ.
ބްރޯޑްކޮމްގެ ރައީސްގެ މަގާމު ހުސްވީ އެ މަގާމުގައި ހުންނެވި މަރިޔަމް ވަހީދާގެ ދައުރު ހަމަވުމުންނެވެ. މަރިޔަމް ވަހީދާގެ ދައުރު ހަމަވެފައި ވަނީ މިދިޔަ ޑިސެމްބަރު މަހުގައެވެ.
މީގެއިތުރުން ބްރޯޑްކޮމްގެ ހުސްވެފައިވާ ދެ މަގާމަށް ގ. ގޮފި، އާމިނަތު ސަރާހަތު އަދި ހއ. އިހަވަންދޫ، ހުސްހަކުރުގެ، މުހައްމަދު އަބްދުﷲ (މުހަންމާ) އައްޔަން ކުރުމަށް މަޖިލީހުން އިއްޔެ ވަނީ ފާސްކޮށްފައެވެ.
