ތިލަމާލެ ބްރިޖް މަޝްރޫއުގެ މަސައްކަތަށް ކުރުމަށް ބަންދުކޮށްފައިވާ ސަރަހައްދުން ދަތުރު ނުކުރުމަށް ކޮންސްޓްރަކްޝަން މިނިސްޓްރީއިން އިލްތިމާސްކޮށްފިއެވެ.
ކޮންސްޓްރަކްޝަން މިނިސްޓްރީއިން މިއަދު އެކްސްގައި ކުރި ޕޯސްޓެއްގައި ބުނީ ގުޅިފަޅު-ތިލަފުށި ޗެނަލް، މާލެ-ވިލިމާލެ ޗެނަލް އަދި ވިލިމާލެ-ގުޅިފަޅު ޗެނަލްތައް މިހާރު ވެސް ބަންދުކުރެވިފައިވާ ކަމަށެވެ.
އެގޮތުން ކަނޑު އުޅަނދުފަހަރު މި ސަރަހައްދުތަކުން ދަތުރުކުރުން ރައްކާތެރިކަމަކަށް ނުވާތީ އެ ޗެނަލްތަކުން ދަތުރު ނުކުރުމަށް ކޮންސްޓްރަކްޝަން މިނިސްޓްރީއިން ވަނީ އިލްތިމާސްކޮށްފައެވެ.
މާލެ, ވިލިމާލެ، ގުޅިފަޅު އަދި ތިލަފުށި ގުޅުވާލާ (ތިލަމާލެ) ބްރިޖުގެ މަސައްކަތް ފެށުމަށް އިންޑިއާގެ އެފްކޯންސް އިންފްރާސްޓްރަކްޗާ ކުންފުންޏާ އެކު އެއްބަސްވުމެއްގައި ސޮއިކޮށްފައި ވަނީ އޮގަސްޓު 26، 2021 ގައެވެ. އަދި ބްރިޖުގެ އަމަަލީ މަސައްކަތް ފަށާފައި ވަނީ އޮގަސްޓް 2، 2022 ގައެވެ.
މި ބްރިޖަކީ ފުން ހިސާބުތަކުގައި 141 މީޓަރުގެ މެރިން ވިއަޑަކްޓް، ތިލަ ހިސާބުތަކުގައި އަދި އެއްގަމުގައި 2.32 މީޓަރުގެ މެރިން ވިއަޑަކްޓް، އަދި 2.96 މީޓަރުގެ އެޓް-ގްރޭޑް މަގުތަކެއް ހިމެނޭހެން ހަތަރު ރަށުގެ މެދުގައިވާ ކަނޑުގެ ސަރަހައްދުގައި ހަދާ ނެވިގޭޝަން ބްރިޖެކެވެ.
