ރައީސް މުއިއްޒު ރ އަތޮޅަށް ވަޑައިގެންފިއެވެ.
ރައީސް އޮފީހުން ބުނީ ރައީސް ވަޑައިގެންފައިވަނީ 3 ދުވަހުގެ ދަތުރުފުޅަކަށް ކަމަށާއި މި ދަތުރުފުޅުގައި އެ އަތޮޅުގެ 11 ރަށަކަށް ރައީސް ވަޑައިގަތުމަށް ހަމަޖެހިފައިވާ ކަމަށެވެ.
މީގެއިތުރުން ރައީސް އޮފީހުން ބުނީ މި ދަތުރުފުޅުގައި އެ ރަށްރަށުގެ ތަރައްގީއަށް ކުރިއަށް ގެންދާ މަޝްރޫތައް ފައްޓަވައިދެއްވުމަށް ނިންމަވާފައި ވާކަމަށާއި، ބައެއް ރަށްރަށުގައި ނިމިފައިފާ ހިދުމަތްތައް އިފްތިތާހު ކޮށްދެއްވުމަށް ވެސް ހަމަޖެހިފައިވާ ކަމަށެވެ.
ރައީސް ވަޑައިގަންނަވަން ހަމަޖެހިފައި ވަނީ އަނގޮޅިތީމު، ހުޅުދުއްފާރު، އިންނަމާދޫ، ކިނޮޅަސް، މާކުރަތު، މަޑުއްވަރީ، ފައިނު، ރަސްގަތީމު، ރަސްމާދޫ އަދި އުނގޫފާރަށެވެ. މި ރަށްތަކުގައި އޭޓީއެމް ބެހެއްޓުމުގެ މަސައްކަތްވެސް ކައުންސިކްތަކާ ހަވާލުކުރައްވާނެ ކަން ފާހަގަކޮށް ރައީސް އޮފީހުން ބުނީ ރައީސްގެ މި ދަތުރުފުޅުގައި އައިޑީކާޑު އަދި ޕާސްޕޯޓު ދޫކުރުމުގެ ހިދުމަތްވެސް ފައްޓަވައިދެއްވާނެ ކަމަށެވެ.
ރައީސް އޮފީހުން އިތުރަށް ބުނީ ރައީސްގެ މި ދަތުރުފުޅަކީވެސް ރާއްޖޭގެ ހުރިހާ އަތޮޅަކަށް ޒިޔާރަތްކުރުމަށް މިދިޔަ އަހަރު ފައްޓަވައިގެން ކުރިއަށް ގެންދާ ސިލްސިލާ ދަތުރުފުޅުގެ ތެރެއިން ކުރާ ދަތުރުފުޅެއް ކަމަށެވެ.
މި ދަތުރުފުޅު ނިންމަލާލެއްވުމަށްފަހު ރައީސް މާލެ ވަޑައިގަތުމަށް ހަމަޖެހިފައިވަނީ ބުރާސްފަތި ދުވަހުއެވެ.
