މާލޭގައި ކުޑަ ކުއްޖަކަށް އަނިޔާކުރި މައްސަލައެއް ފުލުހުން ބަލަން ފަށައިފިއެވެ.
ފުލުހުން ބުނީ، މާލޭ ގެއެއްގައި ގެންގުޅޭ ނޭޕާލް އަންހެނަކު އެ ގޭގެ 3 އަހަރުގެ ކުޑަކުއްޖަކަށް އަނިޔާކުރި ކަމަށް ބުނާ މައްސަލައެއް އިއްޔެ ފުލުހުންގެ އިދާރާއަށް ހުށަހަޅާފައިވާ ކަމަށެވެ.
މައްސަލައާއި ގުޅޭ މާ ބޮޑު ތަފްސީލެއް ހިއްސާނުކޮށް ފުލުހުން އިތުރަށް ބުނީ މިހާތަނަށް އަނިޔާކުރި މެއިޑު ހައްޔަރުކޮށްފައި ނުވި ނަމަވެސް މައްސަލަ އިތުރަށް ތަހުގީގު ކުރަމުންދާ ކަމަށެވެ.
ކުޑަ ކުދިންނަށް ގަނާ ކުރުމާއި އަނިޔާކުރާ މައްސަލަތައް މި ފަހުން އިތުރުވަމުންދާއިރު އޭގެ ތެރޭގައި އިތުބާރު ހިފޭ މަގާމުތަކުގައި ތިބެ އަނިޔާ ކުރާ މައްސަލަތައް ފާހަގަކޮށްލެވެއެވެ.
އެގޮތުން މި ހަފްތާ ވަނީ މާލެ ސަރަހައްދުގެ ސްކޫލެއްގެ ޕްރައިމަރީ ގްރޭޑްގެ ހާއްސަ އެހީއަށް ބޭނުންވާ ކުއްޖަކަށް ޖިސްމާނީ އަނިޔާކުރި މައްސަލައެއް ބަލާދިނުމަށް އެދި އެޑިއުކޭޝަން މިނިސްޓްރީން ފުލުހަށް ހުށަހަޅާފައެވެ. އެ މައްސަލައިގައި ޓީޗަރު ހައްޔަރުކުރި ނަމަވެސް ފަހުން ވަނީ ދޫކޮށްލާފައެވެ.
