ޒަހަމް ތަކަކާއެކު އޮތް ފިރިހެނަކު، ސެނަހިޔާ ހޮސްޕިޓަލު ކައިރިން ފެނިއްޖެއެވެ.
ފުލުހުން ބުނީ މިއަދު ހެނދުނު ސެނަހިޔާ ހޮސްޕިޓަލު ކައިރިން ޒަހަމް ތަކަކާއެކު އޮތް ފިރިހެނަކު ފެނިގެން އެ މައްސަލަ ފުލުހުންނަށް ރިޕޯޓުކޮށްފައިވާ ކަަމަށެވެ.
ފުލުހުން މައުލޫމާތު ދިން ގޮތުގައި ޒަހަމް ތަކަކާއެކު ފެނިފައިވަނީ ދިވެހި ފިރިހެނެކެވެ. ފުލުހުން ބުނީ އެ މީހާއަށް ފަރުވާ ދިނުމަށްޓަކައި ސެނަހިޔާ ހޮސްޕިޓަލަށް ގެންގޮސްފައިވާ ކަމަށެވެ.
ފުލުހުން މި މައްސަލަ ތަހުގީގު ކުރަމުން ގެންދާއިރު މިވަގުތު އެ މަގު ބަންދުކޮށް ފުލުހުން ދަނީ އެ ސަރަހައްދުގައި ހަރަކާތްތެރިވަމުންނެވެ.
މި ހާދިސާގައި ޒަހަމްވެފައިވާ މީހާއަށް ލިބުނު އަނިޔާތަކުގެ ތަފްސީލެއް ފުލުހުން މިހާތަނަށް ހިއްސާކޮށްފައެއް ނުވެއެވެ.
