މިހާރު ކުރިއަށްދާ ގޯލްޑަން ފުޓްސަލް ޗެލެންޖާ ދިމާކޮށް އުރީދޫ އިން ކުރިއަށް ގެންދާ ގޯލްޑަން ފުޓްސަލް ސޭލް ޓެންޓަށް ޒިޔާރަތްކޮށްގެން އަގުހުރި އިނާމު ހޯދުމުގެ ފުރުސަތު ހުޅުވާލައިފިއެވެ.
އުރީދޫ އިން ބުނީ ހުޅުމާލެ ރެހެންދި ޓާފްގައި ކުރިއަށް ގެންދާ މި ސޭލް ޓެންޓު ތަކުން އުރީދޫގެ އެކި އެކި ހިދުމަތްތައް ފަސޭހަކަމާއެކު ކަސްޓަމަރުންނަށް ލިބިގެންދާނެ ކަމަށާއި މި ހިދުމަތް ލިބިގެންދާނީ ރޭގަނޑު 8:00 އިން 11:00 ގެ ނިޔަލަށް ކަމަށެވެ.
އުރީދޫ އިން ބުނީ ގޯލްޑަން ފުޓްސަލް މެޗުތައް ކުރިއަށް ގެންދާ ދުވަސްދުވަހު އުރީދޫ ޓެންޓުން އުރީދޫގެ ސާވިސް އެއް ހޯދައިގެން ކޮންމެ ހަފްތާއަކު އަގުހުރި އިނާމެއް ލިބިގެންދާނެ ކަމަށެވެ.
އުރީދޫ އިން ބުނީ ޕްރީޕެއިޑް، ޕޯސްޓްޕެއިޑް ނުވަތަ ސުޕަނެޓް ހިދުމަތް އަދި 5ޖީ ޑިވައިސްއެއް ނެގި ކަމުގައިވިޔަސް މި ލަކީ ޑްރޯގައި ބައިވެރިވެވޭނެ ކަމަށެވެ. މި އޮފާގައި އުރީދޫ އިން އަގުހުރި އެތައް އިނާމެއް ހިމެނިފައިވާއިރު، މީގެ ތެރޭގައި ޓީވީ، ފްރިޖް، ސޯފާ، އަވަން ފަދަ ބޭނުންތެރި އިނާމުތައް ވަނީ ހިމެނިފައެވެ.
މި މުބާރާތް މި މަހުގެ 4 ވަނަ ދުވަހު ފަށާފައިވާއިރު މުބާރާތް އަންނަ މަހުގެ 25 ވަނަ ދުވަހުގެ ނިޔަލަށް ކުރިއަށް ދާނެއެވެ. މިއަހަރުގެ ގޯލްޑަން ފުޓްސަލް ޗެލެންޖު މުބާރާތުގައި ޖުމްލަ 129 ޓީމު ބައިވެރިވެފައިވާއިރު، މުބާރާތުގައި 320 މެޗު ކުޅުމަށް ވަނީ ހަމަޖެހިފައެވެ.
ގޯލްޑަން ފުޓްސަލް ޗެލެންޖަކީ 2015 ވަނަ އަހަރުން ފެށިގެން ކޮންމެ އަހަރު ވެސް ބާއްވަމުން އަންނަ ވަރަށް ފޯރިގަދަ ފުޓްސަލް މުބާރާތެކެވެ.
މި އަހަރުގެ މި މުބާރާތުގައި އުރީދޫއިން ވަނީ ޕްލެޓިނަމް ޕާޓްނަރެއްގެ ގޮތުގައި ބައިވެރިވެފައެވެ. ފާހަގަކޮށްލެވޭ ގޮތުގައި މިއީ އުރީދޫއިން ގޯލްޑަން ފުޓްސަލް ޗެލެންޖުގެ ޕްލެޓިނަމް ޕާޓްނަރެއްގެ ގޮތުގައި ބައިވެރިވި 3 ވަނަ ފަހަރެވެ.
