ވެލާނާ އެއާޕޯޓުގައި ނުރައްކާތެރި އެކްސިޑެންޓެއް ހިނގައިފިއެވެ.
މިއަދު ހެނދުނު 9:45 އެހާއިރު މި އެކްސިޑެންޓު ހިނގާފައި ވަނީ ދުއްވަމުން ދިޔަ ޓެކްސީއެއް ކޮންޓްރޯލް ނުވެ ރޯޑް ޑިވައިޑާ ތަކާއި ވޭނެއްގައި ޖެހުމަށްފަހު ޕިކަޕެއްގެ ފަހަތުގައި ޖެހިގެން ކަމަށް ފުލުހުން ވަނީ ބުނެފައެވެ.
އަދި ޓެކްސީ ދުއްވަން އިން ޑްރައިވަރަށް އަނިޔާވެ ހުޅުމާލޭ ހޮސްޕިޓަލުގައި ފަރުވާ ދެމުންދާ ކަމަށްވެސް ފުލުހުން ވަނީ މައުލޫމާތު ދީފައެވެ. ހަމައެހެންމެ ޓެކްސީ ފަހަތުގައި އިން މީހާއަށްވެސް މާ ސީރިއަސް އަނިޔާތަކެއް ނުވާކަން ފާހަގަކޮށް ފުލުހުން ބުނީ އޭނާއަށް އެއާޕޯޓު ކްލިނިކުން ފަރުވާ ދީފައިވާ ކަމަށެވެ. އަދި މި އެކްސިޑެންޓު އިތުރަށް ތަހުގީގު ކުރަމުންދާ ކަމަށްވެސް އެ އިދާރާއިން ވަނީ ބުނެފައެވެ.
މި އެކްސިޑެންޓާއި ގުޅިގެން ވެލާނާ އެއާޕޯޓު ހިންގަމުންދާ މޯލްޑިވްސް އެއާޕޯޓު ކޮމްޕެނީ ލިމިޓެޑް (އެމްއޭސީއެލް) އިން ބުނީ އެކްސިޑެންޓް ހިނގަން މެދުވެރިވީ ދުއްވަމުން ދިޔަ ޑްރައިވަރަށް ދިމާވި ސިއްޙީ ކުއްލި ހާލަތެއްގެ ސަބަބުންކަމަށް ޕްރެލިމިނަރީ އެސެސްމެންޓްތަކުން ލަފާ ކުރެވޭ ކަމަށެވެ.
މީގެ ކުރިންވެސް ވެލާނާ އެއާޕޯޓުގައި އެކްސިޑެންޓުތައް ހިނގާފައިވެއެވެ. އެގޮތުން 2022 ވަނަ އަހަރުވެސް މުވައްޒަފުން އުފުލުމަށް ބޭނުންކުރާ ކުޑަ ވެހިކަލެއް އެކްސިޑެންޓުވެ، އެމްއޭސީއެލްގެ މުވައްޒަފުން ތަކަކަށް އަނިޔާވެފައި ވެއެވެ.
ވ.ހިތާމަވެރި.ބުނެލަންއޮތީ ހަމަ ފަރުވާކުޑައްޔޭ.