Mas kiraa dhoani thakah miaharu therey 14.2 million rufiyaa jamaa koffi

މިފްކޯއަށް މަސްކިރާފައިވާ ދޯނިފަހަރަށް ދޭން ޖެހޭ ފައިސާގެ ތެރެއިން މި އަހަރުގެ 6 ދުވަސް ތެރޭ ޖުމްލަ 14،245،989 ރުފިޔާ ދޯނިތަކުގެ އެކައުންޓް ތަކަށް ޖަމާކޮށްފައިވާ ކަމަށް ބުނެފިއެވެ.

މިފްކޯއިން ބުނީ، މިއަދު އެ ކުންފުނިން ބީއެމްއެލްއަށް ފޮނުވި 72 މެޓްރިކް ޓަނުގެ މަހުގެ ފައިސާ މަސްކިރި 16 ދޯނިފަހަރުގެ އެކައުންޓްތަކަށް މިހާރު ޖަމާވެފައިވާ ކަމަށެވެ. މިއީ މި މަހުގެ 4 ވަނަ ދުވަހު ކިރާފައިވާ މަހުގެ އަގު ކަމަށް ވެސް މިފްކޯއިން ބުނެއެވެ.

ހޮނިހިރު ދުވަހު 72 މެޓްރިކް ޓަނުގެ މަސް މިފްކޯއަށްކިރާފައިވާ އިރު، މިދިޔަ ބުރާސްފަތި ދުވަހު ވަނީ 174 މެޓްރިކް ޓަނުގެ މަސް ކިރާފައެވެ. އެ ދޯނިތަކަށް 2،079،338 ރުފިޔާ ޖަމާކޮށްފައިވެއެވެ. ހަމައެއާއެކު މި ދިޔަ ބުދަ ދުވަހު 74 ދޯންޏަކުން ކިރާފައިވާ 311 މެޓްރިކް ޓަނުގެ މަހަށް ވާ 3،667،760 ރުފިޔާ ވެސް ވަނީ ޖަމާކޮށްފައެވެ.

މި އަހަރު ތެރޭ މަސްވެރިންނަށް ޖަމާކޮށްދިން ފައިސާގެ ތަފްސީލް

1 ޖެނުއަރީ - 30 ޑިސެމްބަރުގައި ކިރާފައިވާ 333 މެޓްރިކް ޓަނަށްވާ 4،1191،836 ރުފިޔާ
2 ޖެނުއަރީ - 31 ޑިސެމްބަރުގައި ކިރާފައިވާ 267 މެޓްރިކް ޓަނަށްވާ 3،499،508 ރުފިޔާ
3 ޖެނުއަރީ - 1 ޖެނުއަރީގައި ކިރާފައިވާ 311 މެޓްރިކް ޓަނަށްވާ 3،667،760 ރުފިޔާ
4 ޖެނުއަރީ - 2 ޖެނުއަރީގައި ކިރާފައިވާ 174 މެޓްރިކް ޓަނަށްވާ 2،079،338 ރުފިޔާ
6 ޖެނުއަރީ - 4 ޖެނުއަރީގައި ކިރާފައިވާ 72 މެޓްރިކް ޓަނަށްވާ 807،547 ރުފިޔާ

މިއަހަރުތެރޭ ޖުމްލަ 14،245،989 ޖަމާކޮށްފައިވާ އިރު، މިހާރު މަސްވެރިންނަށް ނުދެއްކި ބާކީ ހުރި ފައިސާގެ އަދަދަކީ މި މަހުގެ 5 ވަނަ ދުވަހު ކިރާފައިވާ މަހަށް ވާ 4،253،786 ރުފިޔާ ކަމަށް މިފްކޯއިން ބުނެއެވެ.

ކުރީ ސަރުކާރު ނިމުނު އިރު، މަސްވެރިންނަށް ފައިސާ ނުދީ، 250 މިލިއަނެއްހާ ރުފިޔާގެ ބެކްލޮގެއް އޮތް އިރު ރައީސް ޑރ. މުހައްމަދު މުއިއްޒުގެ ސަރުކާރުން ވަނީ އެ ފައިސާއާ އެކުގައި މިހާތަނަށް އައިއިރު، މަސްވެރިންނަށް ވަނީ 1،001،461،693 ރުފިޔާ ދީފައެވެ.

މީގެ ކުރިން މަސްވެރިންނަށް ދޭންޖެހޭ ފައިސާ ނުދިނުމުގެ ސަބަބުން މުޒާހަރާ ކޮށްފައިވާ އިރު ސަރުކާރުން އަންނަނީ މަސްވެރިންގެ ކަންބޮޑުވުންތައް ހައްލުކުރުމަށް ގިނަ މަސައްކަތްތަކެއް ކުރަމުންނެވެ. އެގޮތުން މިދިޔަ ޑިސެމްބަރު 10، މަސްވެރިންގެ ދުވަހުން ފެށިގެން މިފްކޯއަށް މަސްކިރާތާ 48 ގަޑިއިރު ތެރޭ މަސްވެރިންނަށް ފައިސާ ދޫކުރަމުން އަންނަ ކަން ފާހަގަކޮށްލެވެއެވެ.