އަޖޭ ދޭވްގަންގެ ވަރުގަދަ ފްރެންޗައިޒް "ސިންގަމް އެގެއިން" ގެ ޓްރެއިލާ ރިލީޒް ކުރުމާއެކުވެސް މި ފިލްމަކީ އަހަރުގެ އެންމެ ވަރުގަދަ އުންމީދީ ފިލްމުކަން ހާމަވެގެން ދިޔައެވެ. ބޮލީވުޑްގެ ތާރީހުގައިވެސް މި ފިލްމުގެ ޓްރެއިލާ އަކީ އެންމެ ދިގު ޓްރެއިލާއެވެ. ޖުމްލަ 4 މިނެޓާ 58 ސިކުންތުގެ މި ޓްރެއިލާގައި ބޮލީވުޑްގެ އޭ ލިސްޓުގެ ތަރިންގެ އެކްޓިން ފެނިގެން ދިޔައެވެ. މި ފިލްމަކީ ދީޕިކާ ޕަޑުކޯން، ކަރީނާ ކަޕޫރް، ޓައިގާ ޝްރޮފް، އަރުޖުން ކަޕޫރް، ޖެކީ ޝްރޮފް، އަޝުތޯޝް ރާނާ އަދި ޝްވޭތާ ތިވާރީ (ޕްރޭނާ)، ރަންވީރު ސިންހް، އަކްޝޭ ކުމާރު އަދި އަޖޭ ދޭވްގަން ވެސް ފެނިގެންދާނެއެވެ. ފިލްމުގައި ކޮޕް ޔުނިވާސްގެ ދެވަނަ ފިލްމު ކަމަށްވާ "ސިމްބާ" ގައި ކުޅުނު ފުލުސް އޮފިސަރުގެ ކެރެކްޓާއިން ރަންވީރު ފެނިގެންދާއިރު އަކްޝޭ ފެނިގެންދާނީ ސޫރިޔަވަންޝީ ކެރެކްޓާއިންނެވެ. އަންހެން ސިންގަމް ކެރެކްޓާ އިން ފެނިގެންދާނީ ދީޕިކާއެވެ.
ސްޓޯރީލައިން: ބާޖީރާއޯ ސިންގަމް (އަޖޭ ދޭވްގަން) ގެ ކެރެކްޓާގެ ވަރުގަދަކަން ފިލްމުން ފެނިގެންދެއެވެ. އޭނާގެ އަނބިމީހާ އަވްނީ (ކަރީނާ ކަޕޫރު)، ކިޑްނެޕްކުރަނީ ނުރައްކާތެރި ޓެރަރިސްޓެއް ކަމުގައިވާ ޑޭންޖާ ލަންކާ (އަރްޖުން ކަޕޫރު) އެވެ. އެއާއެކު އަވްނީ ސަލާމަތްކުރުމަށް ބާޖީރާއޯ އާއި އޭނާގެ ޓީމު އަވްނީ ސަލާމަތްކުރުމަށް މަސައްކަތް ކުރެއެވެ.
ރިވިއު
ބާޖީރާއޯ އޭނާގެ ދުޝްމަންކަން ދޫކޮށްލައެވެ. ފިލްމު ލިޔެ ޑައިރެކްޓްކުރި ރޯހިތު ޝެޓީގެ ވަރުގަދަ ފުލުސް އޮފިސަރުގެ ކެރެކްޓާތައް ކަމަށްވާ ދީޕިކާ، އަކްޝޭ، ޓައިގާ، ރަންވީރު އަދި އަޖޭގެ ފެނިލުން ވަރަށް ވަރުގަދައެވެ. ސްރީލަންކާގައި އުމަރު ހަފީޒު (ޖެކީ ޝްރޮފް) ގެ މަސްތުވާތަކެތިގެ ވިޔަފާރި ނައްތާލުމަށް ފުލުސް އޮފިސަރުންތައް މަސައްކަތްކުރެއެވެ. ނަމަވެސް އެ މަސައްކަތަށް ހުރަސްއަޅަނީ ޒުބައިރު ހަފީޒް (އަރްޖުން ކަޕޫރު) އެވެ. ޒުބައިރު އަކީ އުމަރުގެ ކާފަ ދަރިއެވެ. މި ޑްރަގް ކާޓެލް ނައްތާލަން މަސައްކަތްކުރަން އުޅުމުގެ ތެރޭގައި ބާޖީރާއޯގެ އަނބިމީހާ އަވްނީ ކިޑްނެޕްކުރަނީ ޒުބައިރުއެވެ. ބާޖިރާރޯގެ މަސައްކަތްތައް ހުއްޓާލުމަށްފަހު އަވްނީ ސަލާމަތްކުރަން އޭނާ ފަށައެވެ. އޭނާގެ މި ދަތުރުގައި އެހީތެރިވެދެނީ ސިމްބާ، ސޫރިޔަވަންޝީ، ލޭޑީ ސިންގަމް އަދި ސަތިޔާއެވެ.
މެދުކެނޑުމެއް ނެތި ކުރިއަށްދާ މި އެކްޝަން ވަރަށް ވައިލްޑެވެ. ބަލަން ތިބޭ މީހުންނަށް ނޭވާލާނެ ފުރުސަތެއް ނުދީ އެކްޝަން މަންޒަރުތައް ފުލުފުލުގައި ދައްކައެވެ. މި މަންޒަރުތަކަކީ ވަރަށް ފުރިހަމަ ފައިޓިން ސީންތަކެކެވެ. ފިލްމުގެ އުފެއްދުންތެރިކަން ފުރިހަމަވީއިރު މި ފިލްމުގެ ސިނަމޮޓޮގްރަފީ އަށް އެއްވަނައެވެ.
ރަޒާ މެހްތާގެ ފޮޓޯގްރަފީއިން ސްރީލަންކާއާއި ތަމިލްނާޑޫގެ ހިތްގައިމު ގުދުރަތީ މަންޒަރުތައް ވަރަށް ރީތިކޮށް ދައްކުވައިދެއެވެ. އެކްޝަން މަންޒަރުތައް ޑައިރެކްޓްކުރި ޑައިރެކްޓަރުން ކަމަށްވާ ގްރާންޓް ހަލީ، ސުނިލް ރޮޑްރިގަސް، އަދި ޝެޓީ ގެނެސްދިން މަންޒަރުތަކަކީ ހިތުގެ ވިންދު އަވަސްކޮށްލާ، ގޮނޑީގެ ކައިރި ފަށަލައިގައި މީހާ ބައިންދާލާފަދަ މަންޒަރުތަކެކެވެ. ނަމަވެސް، 144 މިނެޓުގެ ދިގު މި ފިލްމުގެ މި ސްޓޯރީލައިން މިއަށްވުރެ ކުރުކޮށް ގެނެސްދެވުންނަމަ ރަނގަޅުވާނެއެވެ.
އަޖޭ ދޭވްގަން އޭނާގެ ހާއްސަ ސްޓައިލާއެކު ސްކްރީނުގައި އެންމެ ބޮޑު ދައުރެއް އަދާކުރެއެވެ. ނަމަވެސް، ރަންވީރު ސިންގް އޭނާގެ ކޮމެޑީ ޓައިމިން އާއެކު މުޅި ޝޯ ވަގަށް ނަގައެވެ. މަޖާ ޑައިލޮގްތަކާއި މަންޒަރުތަކާއެކު އޭނާ އެ ކެރެކްޓާ ފުރިހަމައަށް ގެނެސްދިނެވެ. ދޭވްގަން އަދި އަކްޝޭ ކުމާރުގެ ޑުއޯ ވަރަށް ރަނގަޅެވެ. އަދި ފިލްމަށް އަކްޝޭ އިންޓްރޯވި ހިސާބުން ފިލްމަށް އިތުރު ބާރެއް ލިބިގެންދިޔައެވެ. ދީޕިކާ، ޓައިގާ އަދި އަކްޝޭ ކުމާރު ކުރު ނަމަވެސް އެ ތަރިންގެ ކެރެކްޓާތައް ވަރުގަދަ ދައުރުތަކެއް އަދާކުރެއެވެ. ކަރީނާ ކަޕޫރު އަވްނީގެ ގޮތުގައި ވަރަށް ޗާލުކަމާއެކު ފެނިގެންދެއެވެ. އަރްޖުން ކަޕޫރު އޭނާގެ ނުބައި ކެރެކްޓަރުގައި ވަރަށް ވަރުގަ ޕާފޯމަންސްއެއް ދެއްކިއެވެ. އެކްޓަރު ސިންގަމްގެ ވާދަވެރިއެއްގެ ގޮތުގައި އަރްޖުންގެ ކެރެކްޓާ ވަރަށް ރަނގަޅަށް ފެނިގެންދެއެވެ.
