މި މަހުގެ ތެރޭ ވެލާނާ އިންޓަނޭޝަނަލް އެއާޕޯޓަށް ޖެއްސި 148 ޖެޓަށް މަރުހަބާ ކިޔާފައިވާ ކަމަށް ބުނެފިއެވެ.
ވެލާނާ އެއާޕޯޓުން ބުނީ، މި މަހުގެ ތެރޭގައި 148 ޖެޓަަކަށް މަރުހަބާ ކިޔާފައިވާ ކަމަށާއި މިއީ މިދިޔަ އަހަރުގެ މި މުއްދަތާ އަޅާ ބަލާއިރު 8 ޕަސެންޓްގެ ކުރިއެރުމެއް ކަމަށެވެ. މިއީ ހަގީގަތުގައި ވެސް ޗުއްޓީ މޫސުމެއް ކަން އެނގިގެން ދާ ކަމަށް އެ އެއާޕޯޓުން ބުނެފައި ވެއެވެ.
މި ދުވަސްވަރަކީ އާންމުކޮށް ރާއްޖެއަށް ގިނަ އަދަދެއްގެ ފަތުރުވެރިން ޒިޔާރަތްކުރާ ދުވަސްވަރެއް ކމުން މި ދުވަސްވަރު އެއާޕޯޓުގެ މޫވްމަންޓްތައް ވަނީ އިތުރުވެފައެވެ. އެގޮތުން މި މަހުގެ 26 ވަނަ ދުވަހު ރާއްޖެއަށް ވަނީ ދެމިލިއަން ވަނަ ފަތުރުވެރިޔާ ޒިޔާރަތްކޮށްފައެވެ. އެ ފަތުރުވެރިޔާއަށް މަރުހަބާ ކިޔުމަށް ހާއްސަ ރަސްމިއްޔާތެއް ވަނީ ބާއްވާފައެވެ.
މިދިޔަ އަހަރުގެ ޑިސެމްބަރު މަހު ވެސް ރާއްޖެއަށް އަންނަ ޖެޓްތައް އިތުރުވުމާ ގުޅިގެން 2024 ވަނަ އަހަރު ފެށުނު އިރު އެއާޕޯޓްގައި ގިނަ ޖެޓްއް ޕާކް ކުރެވޭނެ ގޮތަށް ވަނީ އިތުރު ސްލޮޓްތައް ހަމަޖައްސާފައެވެ. އެގޮތުން ޖެޓްތައް ޕާކް ކުރުމަށް 68 ޖާގަ ވަނީ މިއަހަރު ފެށުނު އިރު ހަމަޖައްސާފައެވެ.
އެގޮތުން އުތުރު އޭޕްރަންގައި 13 ސްލޮޓް އާއި އިރުމަތީ ފަރާތް އޭޕްރަންގައި 26 ސްލޮޓް އާއި ފިއުލް ފާމް ކުރިމަތީގައި 13 ސްލޮޓް އަދި ދެކުނު ފަރާތުގައި 16 ސްލޮޓާއެކު 68 ޖާގަ ހިމެނެއެވެ.
% ކުރިއެރުމެކޭ. ދެން އަޑު އިވޭނީ %60 ކާލާއިގެން އުޅޭ އަޑު. ބަލަންތިބޭ އިނގޭ