ބަނގުރަލުގެ ވިޔަފާރި ކުރާ ކަމަށް ފުލުހުންނަށް ލިބުނު މައުލޫމާތަކާ ގުޅިގެން ރޭ މަޖީދީ މަގުން ދިވެއްސަކު ހުއްޓުވައި ބަލައި ފާސްކޮށް 3 ފުޅިއާ އެކު ހައްޔަރު ކޮށްފިއެވެ.
މި މައްސަލައިގައި ހައްޔަރު ކޮށްފައި ވަނީ އުމުރުން 33 އަހަރުގެ މުހައްމަދު އަޒުހަމް ސައީދު، ގދ. ގައްދޫ، ރެޑްމާގެ އެވެ.
ފުލުހުން ބުނީ، ފުލުހުންގެ އިންޓެލިޖެންސަށް މާލޭގައި ބަނގުރަލުގެ ވިޔަފާރު ކުރާކަމުގެ މައުލޫމާތެއް ލިބިފައިވާ ކަމަށާއި އެއާއެކު ޑްރަގް އެންފޯސްމަންޓް އާއު ޕޮލިސް އިންޓެލިޖަންސް ގުޅިގެން ރޭ މާލޭގައި ވަނީ އޮޕަރޭޝަނެއް ހިންގާފައި ކަމަށެވެ. އެ އޮޕަރޭޝަންގެ ތެރެއިން މަޖީދީ މަގުން ހުއްޓުވައި ބަލައި ފާސްކޮށް ބަނގުލާއެކު މުހައްމަދު އަޒުހަމް ވަނީ ހައްޔަރު ކޮށްފައެވެ.
އަޒުހަމް ފުލުހުންގެ ބެލުމުގެ ދަށަށް ގެންގޮސްފައި ވަނީ އޭނާ ދުއްވި ސައިކަލު ބަލައި ފާސްކުރި އިރު، 3 ފުޅި ބަނގުރާ ފެނުމާ ގުޅިގެން ކަމަށް ފުލުހުން ބުނެއެވެ. މި މައްސަލަ ދަނީ އިތުރަށް ތަހުގީގު ކުރަމުން ކަމަށް ފުލުހުން ބުނެއެވެ.
