ހިޔާ ފްލެޓެއް ބަލައިފާސްކޮށް، މަސްތުވާތަކެއްޗާއި ގިނަ އަދަދެއްގެ ފައިސާއާއެކު 4 މީހަކު ހައްޔަރުކޮށްފިއެވެ.
މި 4 މީހުން ހައްޔަރުކޮށްފައި ވަނީ ޑްރަގް އެންފޯސްމަންޓަށް ލިބުނު މައުލޫމާތަކާ ގުޅިގެން އިއްޔެ ހިންގި އޮޕަރޭޝަނެއްގައި ކަމަށް ފުލުހުން ބުނެއެވެ.
މި އޮޕަރޭޝަނުގައި ހައްޔަރުކޮށްފައިވަނީ:
- އިބްރާހީމް ޝަރީފް (40އ) - ގ. ސެމިޓޯން
- އަބްދުﷲ ހަސަން (41އ) - ގދ. ކޮލަމާފުށި/ އޯޝަންބްލޫ
- ހުސައިން ރިޔާޒު (33އ) - ހދ. ނޭކުރެންދޫ/ އިރުދޭމާގެ
- އަބްދުﷲ ޖަމީލު (32އ) - ގއ. ދާންދޫ/ ވަލުތެރޭގެ
ފުލުހުން ބުނީ މި 4 މީހުން ވެސް ހައްޔަރުކޮށްފައި ވަނީ ކްރިމިނަލް ކޯޓުގެ އަމުރެއްގެ ދަށުން ހިޔާ ފްލެޓް H9-20-11 އެޕާޓްމަންޓް ބަލައިފާސްކުރުމަށްފަހު ކަމަށެވެ. އަދި އެ އެޕާޓްމަންޓް ބަލައިފާސްކުރިއިރު، މަސްތުވާތަކެއްޗާއި މަސްތުވާތަކެތި ބަންދުކުރުމަށް ބޭނުންކުރާ އާލާތްތަކާއި ގިނަ އަދަދެއްގެ ފައިސާގެ އިތުރުން ގިނަ އަދަދެއްގެ މޯބައިލް ފޯނު ފެނިފައިވާ ކަމަށް ފުލުހުން ވަނީ ބުނެފައެވެ،
ފުލުހުން އިތުރަށް ބުނީ މި މައްސަލަ ތަހުގީގު ކުރަމުން ގެންދާ ކަމަށެވެ.
