ވިޒިޓް މޯލްޑިވްސް ކްލަބް (ވީއެމްސީ) އިން ރާއްޖޭގައި ބާއްވާ އެންމެ ބޮޑު ސްޕޯޓްސް ފިޝިން މުބާރާތް، "ބުރުނު ބޮމަ" އަންނަ އޭޕްރިލް އަދި މެއި މަހުގައި ބާއްވަން ނިންމައިފިއެވެ.
މިދިޔަ ހުކުރު ދުވަހު މާލޭ ޓޭބަލް ޓެނިސް ހޯލުގައި ބޭއްވި ރަސްމިއްޔާތެއްގަ "ބުރުނު ބޮމަ" އިފްތިތާހުކޮށްދެއްވީ ފިޝަރީސް މިނިސްޓަރު އަހްމަދު ޝިޔާމްއެވެ. މި މުބާރާތް ބޭއްވުމަށް ހަމަޖެހިފައިވަނީ ކްރޮސްރޯޑްސްގައެވެ.
ވީއެމްސީން އަންނަ އަހަރުގެ އޭޕްރީލް އަދި މެއި މަހު ބޭއްވުމަށް ހަމަޖެހިފައިވާ ބުރުނު ބޮމައަކީ މަސްވެރިކަމަށް ލޯބިކުރާ ބޭރު މީހުންނާއި ރާއްޖޭގެ ޓޫރިޒަމް އިންޑަސްޓްރީއަށް އަމާޒުކޮށްގެން ބާއްވާ މުބާރާތެކެވެ. މިނިސްޓަރު ޝިޔާމް ވިދާޅުވީ މިއީ ރާއްޖޭގައި ކުޅިވަރު ފަތުރުވެރިކަން ކުރިއެރުވުމުގައި މުހިންމު ފިޔަވަޅެއް ކަމަށެވެ. އަދި މިއީ ދެމެހެއްޓެނިވި މަސްވެރިކަމުގެ އާދަތަކަށް ރާއްޖެއިން ދޭ އަހައްމިއްޔަތުކަން ކަމަށް މިނިސްޓަރު ވިދާޅުވިއެވެ.
މާލެ ސަރަހައްދަށް ބެލި ކަމުގައިވިޔަސް ސްޕޯޓްސް ފިޝިންގް ކޮމިއުނިޓީގެ ބައިވެރިވުން ވަރަށް ބޮޑުކަން ފާހަގަކޮށް މިނިސްޓަރު ވިދާޅުވީ އެހެންކަމުން ބުރުނު ބޮމައަކީ ވަރަށް މުހިންމު އަދި ވަރަށް ބޮޑު މުބާރާތެއްކަމަށެވެ.
މި މުބާރާތުގައި ބޮޑަށް އަހައްމިއްޔަތުކަން ދެނީ "ކެޗް އެންޑް ރިލީޒް" އުސޫލުން މަސް ބާނާފައި ދޫކުރުމަށެވެ.
