ނ. ކުޑަފަރީ ގޮނޑުދޮށް ހިމާޔަތްކުރުމުގެ މަޝްރޫގެ 57 އިންސައްތަ ނިމިއްޖެއެވެ.
އެމްޓީސީސީ އިން ބުނީ ޖިއޯބޭގްއަށް ވެލި އަޅާފުރުމުގެ 35 އިންސައްތަ މަސައްކަތް ނިމިފައިވާ ކަމަށާއި، ޖިއޯބޭގް ޖެހުމުގެ 21 އިންސައްތަ މަސައްކަތް މިހާރު ވަނީ ފުރިހަމަ ކުރެވިފައިކަމަށެވެ.
މި މަޝްރޫގެ ދަށުން، 610 މީޓަރުގެ ޖިއޯބޭގް ރިވެޓްމެންޓެއް ޖެހުމާއި، 220 މީޓަރުގެ ގްރޮއިން ޖެހުމަށް ވަނީ ހަމަޖެހިފައެވެ.
މިނިސްޓްރީ އޮފް ނެޝަނަލް ޕްލޭނިން، ހައުސިިން އެންޑް އިންފްރާސްޓްރަކްޗާގެ ފަރާތުން އެމްޓީސީސީ އާއި ހަވާލުކޮށްގެން ކުރިއަށް ގެންދާ މި މަޝްރޫއަކީ 17.84 މިލިއަން ރުފިޔާގެ މަޝްރޫއެކެވެ.
ފެބްރުއަރީ 8، 2022 ވަނަ ދުވަހު ހަވާލުކުރި މި މަޝްރޫއަކީ 300 ދުވަހުގެ ތެރޭގައި ނިންމާ ގޮތަށް ހަވާލުކުރި މަޝްރޫއެކެވެ. ރާއްޖޭގައި މިހާރު ކުރިއަށް ގެންދާ ތަރައްގީގެ ގިނަ މަޝްރޫއުތައް ހިންގަމުން އަންނަ އެމްޓީސީސީ އިކީ ރާއްޖޭގެ އުމްްރާނީ ތަރައްގީއާއި އިޖުތިމާއީ ވަސީލަތްތައް ބިނާކުރުމުގައި މުހިންމު ދައުރެއް އަދާކުރާ ކުންފުންޏެކެވެ.
