ތ. މަޑިފުށިން ގެއްލުނު މީހަކު ހޯދުމުގެ މަސައްކަތް، އޭނާ ގެއްލުނުތާ ދެ ދުވަސް ފަހުން ފަށައިފިއެވެ.
ފޮޓޮ އާ އެކު މީސްމީޑިއާގައި ހިއްސާކުރި ޕޯސްޓެއްގައި ފުލުހުން ބުނީ، ގެއްލިގެން ހޯދަމުން ދަނީ ހަސަން ނިހާލު، ބޮންތި / ތ. މަޑިފުށި (34އ) ކަމަށެވެ.
ނިހާލުގެ އާއިލާ އާ ހަވާލާދީ ފުލުހުން ބުނީ އޭނާ ގެއްލިފައިވާ ކަން ފުލުހުންނަށް އާއިލާއިން އަންގާފައި ވަނީ މިދިޔަ އާދީއްތަ ދުވަހުގެރޭ 8 ޖަހާކަން ހާއިރު ކަމަށެވެ.
ފުލުހުން ހިއްސާކުރި ފޮޓޮއިން ފެންނަ ގޮތުގައި ނިހާލް ހުރީ ދަނބު ކުލަ އާއި ފެހިކުލައިގެ ގޮޅިޖެހި ގަމީހެއް ލައިގެންނެވެ. ފުލުހުން ވަނީ، ނިހާލްގެ އެއްވެސް މައުލޫމާތެއް ލިބިފައިވާ ނަމަ މަޑިފުށި ފުލުހުންގެ އިދާރާ އަށް (9868475)، ނުވަތަ ފުލުހުންގެ ހޮޓްލައިނަށް (3322111) ގުޅައި މައުލޫމާތު ހިއްސާކުރަން އެދިފައެވެ.
