މަޖީދިއްޔާ ސްކޫލަށް 75 އަހަރު ފުރުމުގެ މުނާސަބަތުގައި 2004 ވަނަ އަހަރު ހުޅުވި އަލިމަސް ކާނިވަލް ގައި އަޅާފައިވާ ސްޓޭޖު ތަޅާލައި އާ ސްޓޭޖެއް އަޅަައިދޭނެ ބަޔަކު ހޯދަން އިއުލާނު ކޮށްފިއެވެ.
މާލެ ސިޓީ ކައުންސިލުން އިއްޔެ ކުރި އިއުލާނުގައި ބުނެފައި ވަނީ އަމިއްލަ ތަކެތީގައި އެ މަސައްކަތް ކޮށްދޭނެ ބަޔަކު ހޯދާ ކަމަށާއި އެ މަސައްކަތް ކުރަން ޝައުގުވެރިވާ ފަރާތްތަކަށް ބީލަން ހުށަހެޅުމުގެ ފުރުސަތު މިހާރު ހުޅުވާލައިފައިވާ ކަމަށެވެ. ކާނިވާ ސަރަހައްދުގައި އާ ސްޓޭޖެއް އެޅުމާ ބެހޭ މަސައްކަތުގެ މައުލޫމާތު ދިނުމަށް ހަމަޖެހިފައި ވަނީ އަންނަ ބުދަ ދުވަހުގެ ހެނދުނު 11:00 ގައި ހ. ހުޅުގަލި ގެ އެއްވަނަ ފަންގިފިލާގައެވެ. އަދި އަގު ހުށަހެޅުން އޮތީ މި މަހުގެ 16 ވަނަ ދުވަހުގެ ހެނދުނު 11:00 ގައެވެ.
ބީލަމުގައި ބައިވެރިވެވޭނީ ހަމައެކަނި ދިވެހި ކުންފުނި ތަކަށެވެ. އެގޮތުން ޕާޓްނާޝިޕް، ލޯކަލް އިންވެސްޓްމެންޓް އަދި ވިޔަފާރިކުރުމުގެ ހުއްދަ ލިބިފައިވާ ފަރާތްތަކަށް ބީލަން ހުށަހެޅޭނެ ކަމަށް ސިޓީ ކައުންސިލުން ބުނެއެވެ. އަލަށް އަޅާ ސްޓޭޖުގެ ކޮންސެޕްޓު ޑިވެލޮޕް ކުރުމާއި އިންޖިނިއަރިން ކުރެހުންތައް ވެސް ތައްޔާރު ކުރަންޖެހޭނީ ކައުންސިލުގެ ޓެކްނިކަލް އިރުޝާދުގެ ދަށުން މަސައްކަތާ ހަވާލުވާ ކުންފުނިން ކަމަށް މާލެ ސިޓީ ކައުންސިލުން ބުނެއެވެ. އަދި މިހާރު ހުރި ސްޓޭޖް ތަޅާލައި ކުނިތައް އުކާލަން ޖެހޭނެ ކަމަށާއި އަލަށް އަލާ ސްޓޭޖްގެ ކަރަންޓާއި ޕްލަންބިން މަސައްކަތް ވެސް ކުރަންޖެހޭނެ ކަމަށް ބުނެފައި ވެއެވެ.
ކާނިވާ ސަރަހައްދު ޒަމާނީ ފެންވަރަށް ތަރައްގީކުރުމަށް މާލެ ސިޓީ ކައުންސިލުން ނިންމީ މިދިޔަ ޖުލައި މަހު އެވެ. މޭޔަރު އާދަމް އާޒިމް އޭރު ވަނީ ކާނިވާ ސަރަހައްދު ވަރަށް ބޮޑަށް ބާވެ، އެ ސަރަހައްދު ބޭނުންކުރާ މީހުންނަށް އަނިޔާއެއް ވެދާނެ ކަމުގެ ކަންބޮޑުވުން ފާޅުކުރައްވައިފަ އެވެ.
ގައުމުގަ ލާރި ނެތޯ، އެކަމަކު މިފެއްނަނީ އެކިއެކިނަންނަމުގަ ސަރުކާރުގެ ހަޒާނާ ލޫޓު ވާލައިގެންވެސް އެއްޗެއް ދަމައިގަނެވޭތޯ.
ލާރިގަނޑެއް ދަވާލަނީ ނޫންބާ؟