ށ. ކޮމަންޑޫ ގޮނޑުދޮށް ހިމާޔަތްކުރުމުގެ މަސައްކަތުގެ ދަށުން ރިވެޓްމެންޓް އާކުރުމުގެ މަސައްކަތް ފުރިހަމަކޮށްފިއެވެ.
އެމްޓީސީސީ އިން ބުނީ ކޮމަންޑޫ ގޮނޑުދޮށް ހިމާޔަތްކުރުމުގެ މަސައްކަތުގެ ދަށުން ރިވެޓްމަންޓް ކާބް ސްޓޯން ޖެހުމުގެ މަސައްކަތުގެ 100 ޕަސެންޓު ފުރިހަމަކުރެވިފައިވާކަމަށާއި އަދި ކޮމަންޑޫ ބަނދަރު ރެކްޓިފިކޭޝަންގެ ވޭރިއޭޝަން ފާސްވުމާއެކު އެ މަސައްކަތް ފެށުމަށް ތައްޔާރުވަމުން ދާ ކަމަށެވެ.
މީގެއިތުރުން އެމްޓީސީސީ އިން ބުނީ މަތި ކޮމަންޑޫ ހިއްކުމުގެ މަޝްރޫގެ ދަށުން ހިލައިގެ ރިވެޓްމަންޓްގެ މަސައްކަތް މިހާރު ފުރިހަމަކުރެވިފައިވާކަމަށާއި އަދި މިވަގުތު ޖިއޯ ބޭގް ރިވެޓްމަންޓްގެ މަސައްކަތް ފެށުމުގެ ތައްޔާރީތައްވެސް ފުރިހަމަކުރެވިފައިވާކަމަށެވެ.
ދެ ކޮމަންޑޫ ގުޅާލުމުގެ މަޝްރޫއުގެ ދަށުން ކުރުމަށް ހަމަޖެހިފައިވާ މަސައްކަތްތަކުގެ ތެރޭގައި ހިމެނެނީ، ކޮމަންޑޫގައި 1690 ކިލޯމީޓަރުގެ ޝޯ ޕްރޮޓެކްޝަން ރެކްޓިފިކޭޝަންގެ މަސައްކަތާއި، މަތިކޮމަންޑޫގައި 16.7 ހެކްޓަރުގެ ބިމެއް ހިއްކުމުގެ މަސައްކަތާއި، މަތިކޮމަންޑޫގައި 1،520 މީޓަރުގެ ބޮޑު ހިލައިގެ ތޮއްޓަކާއި، ޖުމްލަ 353 މީޓަރުގެ ބޮޑުހިލައިގެ ފައިކަށި އަދި 112 މީޓަރުގެ ޖިއޯބޭގް ތޮށްޓެއް ގާއިމް ކުރުމެވެ. މީގެ އިތުރުން 200 މީޓަރުގެ ދިގުމިނުގެ ލިންކަކުން ކޮމަންޑު އާއި މަތިކޮމަންޑޫ ހިއްކާ ސަރަހައްދު ގުޅާލުން ހިމެނެއެވެ.
މި މަޝްރޫ އެމްޓީސީސީ އާ ސަރުކާރުން ހަވާލުކުރީ 2022 ވަނަ އަހަރުގެ ޖެނުއަރީ މަހުގެ 12 ވަނަ ދުވަހު، ދެ އަހަރު ދުވަހުގެ ތެރޭ ނިންމާ ގޮތަށް، 235.75 މިލިއަން ރުފިޔާއަށެވެ.
