ތައިލޭންޑުގެ ސަފީރުގެ ގޮތުގައި ހަމަޖައްސަން އިލެކްޝަންސް ކޮމިޝަން (އީސީ)ގެ ކުރީގެ ރައީސް ފުވާދު ތައުފީގު ހަމަޖައްސަން ހުށަހަޅައިފިއެވެ.
މިދިޔަ ހޮނިހިރު ދުވަހުގެ ނިޔަލަށް ފުވާދު ހުންނެވީ އިލެކްޝަންސް ކޮމިޝަންގެ ރައީސްގެ ގޮތުގައެވެ. އެ ކޮމިޝަންގެ ރައީސްގެ މަގާމުގައި ހުންނެވި ފުވާދުގެ މެންބަރުކަމުގެ ދައުރު މިދިޔަ ހޮނިހިރު ދުވަހު ހަމަވުމުން ވަނީ ވަކިވެވަޑައިގެންފައެވެ.
ރިޔާސަތުން ވަނީ ފުވާދުގެ ނަން ދިރާސާކުރުމަށް ހާރިޖީ ގުޅުންތަކުގެ ކޮމިޓީ އަށް ފޮނުވައިފައެވެ.
އިލެކްޝަންސް ކޮމިޝަންގައި ފުވާދު ފުރުއްވި މަގާމުތައް:
- އިންތިގާލީ ކޮމިޝަންގެ މެންބަރު (ސެޕްޓެމްބަރު 2008 - ސެޕްޓެމްބަރު 2009)
- އިންތިގާލީ ކޮމިޝަންގެ ރައީސް (ސެޕްޓެމްބަރު 2009 - ނޮވެމްބަރު 2009)
- ކޮމިޝަންގެ ރައީސް (ނޮވެމްބަރު 2009 - މާޗް 2014)
- ކޮމިޝަންގެ މެންބަރު (ނޮވެމްބަރު 2019 - ސެޕްޓެމްބަރު 2021)
- ކޮމިޝަންގެ ރައީސް (ސެޕްޓެމްބަރު 2021 - ނޮވެމްބަރު 2024)
