ކާރެއްގެ ތެރޭގައި މީހަކު ރަހީނުކޮށް ފައިސާ ދިނުމަށް ބިރުދެއްކި މައްސަލައިގައި ސީންގައި ހަރރަކާތެރިވި އިތުރު ހަތަރު މީހަކު ހައްޔަރު ކޮށްފިއެވެ.
ވެމްބަރު 11 ވަނަ ދުވަހުގެ ރޭ ހުޅުމާޅެ އޯކިޑްމާ ހިނގުމުގައި ކާރެއްގެ ތެރޭގައި ދިވެހި ފިރިހެނަކު ރަހީނުކޮށް ހިފެހެއްޓި މައްސަލައިގައި ފުރަތަަމަ ހައްޔަރުކޮށްފައި ވަނީ މާލެ ދަފްތަރު ނަމްބަރު RS9022 އުމުރުން 37 އަހަރުގެ ތޮލާލް މޫސާއެވެ.
މި މައްސަލައިގެ އެންމެ ފަހުގެ ތަފްސީލް ހއިްސާ ކުރަމުން ފުލުހުން ބުނީ، ތޮލާލް މޫސާ އާއެކު އެ ސީންގައިހަރަކާތްތެރިވި އިތުރު 4 މީހަކު ހައްޔަރުކޮށްފައިވާ ކަމަށެވެ. އެގޮތުން ހައްޔަރު ކޮށްފައި ވަނީ، އުމުރުން 34 އަހަރުގެ، ހދ. ކުމުންދޫ، ރަތްބަގީޗާގެ، ހުސާމް އިބްރާހިމް އާއި، އުމުރުން 23 އަހަރުގެ، ގ. ކަޅގާރިމާގެ، ހުސައިން ހައިކަލް ނިޔާޒް އާއި، އުމުރުން 36 އަހަރުގެ، ހދ. ކުމުންދޫ، ރަތްބަގީޗާގެ، އާދަމް ޝަރީފް އަދި އުމުރުން 26 އަހަރުގެ، ހުޅުމާލެ ފްލެޓް 71-01-04، އަހްމަދު ރިޝްފާންއެވެ.
މި ފަސް މީހުންގެ ބަންދާ މެދު ގޮތެއް ނިންމުމަށް ހުޅުމާލެ މެގިސްޓްރޭޓް ކޯޓަށް ހާޒިރު ކުރުމުން ވަނީ އެމީހުންގެ ބަންދަށް 7 ދުވަހުގެ މުއްދަތެއް ޖަހާފައި ކަމަށް ފުލުހުން ބުނެއެވެ.
މި މައްސަލަ ދަނީ އިތުރަށް ތަހުގީގު ކުރަމުން ކަމަށް ފުލުހުން ބުނެއެވެ.
