ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ޗެއާމަން ކަމަށް އަހުމަދު ނާސިފް (ޑީޑީ) އައްޔަން ކޮށްފިއެވެ.
އެ މަގާމަށް ނާސިފް އައްޔަން ކުރުމާ ހަމައަށް އޭނާ ހުންނެވީ ރީޖަނަލް އެއާޕޯޓްސް ކުންފުނީގެ ޗެއާމަންގެ މަގާމުގައެވެ. އެޗްޑީސީއިން އެކްސްގައި ކުރި ޕޯސްޓެއްގައި، ނާސިފްއަށް މަރުހަބާކިޔާފައިވާއިރު، އެނާގެ އިރުޝާދާއެކު ކުރިއަށް ދިއުމަށް ތައްޔާރަށް އޮތްކަންވެސް ވަނީ ހާމަކޮށްފައެވެ
މީގެ ކުރިން ނާސިފް ވަނީ، ކުރީގެ ރައީސް އަބްދުﷲ ޔާމީންގެ ވެރިކަމުގައި ތިލަފުށި ކޯޕަރޭޝަން ލިމިޓެޑް (ޓީސީއެލް) ގެ މެނޭޖިން ޑިރެކްޓަރުގެ މަގާމުވެސް އަދާކުރައްވާފައެވެ.
މީގެ އިތުރުން ގްރޭޓާ މާލެ އިންޑަސްޓްރިއަލް ޒޯން ލިމިޓެޑަށް ކުރިން އުފެއްދި ކުންފުނީގެ އެމްޑީކަމާއި ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ މެނޭޖިން ޑިރެކްޓަރުގެ މަގާމުވެސް މީގެ ކުރިން ނާސިފްވަނީ އަދާކުރައްވާފައެވެ.
މި ސަރުކާރުން އެންމެ ފުރަތަމަ އެޗުޑީސީގެ ޗެއާމަންކަމަށްހަމަޖެއްސި އަހުމަދު ޒުހޫރު އެވެ. އެހެންނަމަވެސް މިއަހަރުގެ މެއި މަސްތެރޭ އޭނާ މަގާމުންނާއި އެޗްޑީސީގެ ބޯޑުގެ ޑިރެކްޓަރުކަމުން ވަނީ ވަކިކޮށްފައެވެ.
