ޖޭޒް ކެފޭގެ ފުރާޅު މައްޗަށް ވެއްޓުނު މީހާ ވެއްޓުނީ ޖެހިގެން ހުރި އިމާރާތަށް ހޮޅިދަނޑިއަކުން އަރަނިކޮށް ކަމަށް ފުލުހުން ބުނެފިއެވެ.
ޖޭޒް ކެފޭގެ ފުރާޅު މައްޗަށް ވެއްޓުނީ އުމުރުން 35 އަހަރުގެ ދިވެހި ފިރިހެނެއް ކަމަށް ފުލުހުން ވަނީ ބުނެފައެވެ.
ފުލުހުން ބުނީ އެމީހާއަށް މިހާރު ފަރުވާދެމުން ދަނީ އައިޖީއެމްއެޗް ހޮސްޕިޓަލުގައި ކަމަށެވެ. އަދި ފުރާޅު މައްޗަށް ވެއްޓުނީ ޖެހިގެން ހުރި އިމާރާތަށް ހޮޅިދަނޑިއަކުން އަރަނިކޮށް ކަމަށް އޭނާ ބުނެފައިވާ ކަމަށް ވެސް ފުލުހުން ބުނެއެވެ.
ފުލުހުން ބުނީ މި މައްސަލަ އިތުރަށް ތަހުގީގު ކުރަމުންދާ ކަމަށެވެ.
މާފަންނު ހަވީރީ ހިނގުމުގައި ހުންނަ ޖޭޒް ކެފޭގެ ފުރާޅު މައްޗަށް މީހަކު ވެއްޓުނު ކަމަށް ރޭ 11:15 ހާއިރު ފުލުހުންނަށް ރިޕޯޓް ކޮށްފައި ވާއިރު، ސިފައިންގެ އެހީތެރިކަމާއެކު ފުރާޅު މަތިން އެ މީހާ ނަގައި، އޭޑީކޭ ހޮސްޕިޓަލަށް ގެންގޮސް މިހާރު އޭނާ އަށް ވަރުވާ ދެމުން ދަނީ އައިޖީއެމްއެޗް އަށް ގެންގޮސްގެން ކަމަށް ވެސް ފުލުހުން ބުނެފައި ވެއެވެ.
