އުރީދޫ މޯލްޑިވްސް އިން ކުރިއަށް ގެންދާ ކޮންމެ ތިން ދުވަހަކުން ސައިކަލެއް ލިބޭ ހާއްސަ ޕްރޮމޯޝަންގެ މިއަދުގެ ނަސީބުވެރި އަކަށް އަހްމަދު ޝިމާޒް ހޮވިއްޖެއެވެ.
ޑިސެމްބަރު މަހުގެ 31 ވަނަ ދުވަހުގެ ނިޔަލަށް ކުރިއަށް ގެންދާ މި ޕްރޮމޯޝަންގެ ދަށުން ޖުމްލަ 30 ސައިކަލު ދިނުމަށް ހަމަޖެހިފައިވާ އިރު، މިއަދުގެ ނަސީބުވެރި ފަރާތަށް ސައިކަލު މިހާރު ވަނީ ހަވާލުކޮށްފައެވެ. ޝިމާޒަށް ވަނީ އެއާބްލޭޑު 125 ގެ ރަތާއި ކަޅު ކުލައިގެ ސައިކަލެއް ދީފައެވެ.
މިދިޔަ މަހުގެ 26 ވަނަ ދުވަހު މި ޕްރޮމޯޝަންގެ ފުރަތަަމަ ނަސީބުވެރިޔާ ހޮވާފައިވާ އިރު، އޭނާއަށް ދީފައި ވަނީ އެއާބްލޭޑް 125 ގެ ރަތާއި ކަޅު ކުލައިގެ ސައިކަލެވެ. އަދި މި މަހުގެ 1 ވަނަ ދުވަހު ދެވަނަ ނަސީބުވެރިޔާ ހޮވައި، އާދަމް ޝަމްއޫނަށް ވަނީ އެއާބްލޭޑްގެ 160 ގެ ސައިކަލެއް ދީފައެވެ. އަދި ތިންވަނަ ނަސީބުވެރި ފަރާތަކަށް ހޮވުނު އަހްމަދު ނިހުޔާން އަށް ވަނީ އެއާބްލޭޑް 125ގެ ރަތާއި ކަޅު ކުލައިގެ ސައިކަލެއް ދީފައެވެ.
އުރީދޫ ކަސްޓަމަރުން 250 ގެ ޕްރިޕެއިޑް ރީޗާޖު ކޮށްގެން، ނުވަތަ ޕޯސްޓްޕެއިޑް އަދި ސުޕަނެޓް ބިލް ދައްކައިގެން، ނުވަތަ ޑޭޓާ ޕެކޭޖެއް އެކްޓިވޭޓް ކޮށްލައިގެން ވެސް މި ޕްރޮމޯޝަންގައި ބައިވެރިވެވޭނެއެވެ. ހަމައެއާއެކު އުރީދޫގެ އާ ކަސްޓަމަރެއް ނަމަ، އުރީދޫގެ ހިދުމަތެއް ހޯދުމަށް 400 ރުފިޔާ ހަރަދު ކުރުމުން ވެސް މި ޕްރޮމޯޝަންގައި ބައިވެރިވެވޭނެއެވެ.
މި ޕްރޮމޯޝަންގައި 26 އެއާ ބްލޭޑާއި ތިން ޕީސީ އެކްސް ދިނުމަށް ހަމަޖެހިފައި ވެއެވެ. މުޅި ޕްރޮމޯޝަންގެ އެންމެ އަގުހުރި އިނާމެއްގެ ގޮތުގައި ކަނޑައަޅާފައި ވަނީ ހޮންޑާ ރެބެލް ސައިކަލެކެވެ.
މި ޕްރޮމޯޝަނަކީ އުރީދޫގެ 5ޖީ ލިބޭ ކެމްޕެއިންގެ ދަށުން ރާއްޖޭގެ އެކި ކަންކޮޅުތަކުގައި ދިރިއުޅޭ މުޖުތަމައުތަކަށް ހަލުވި ސްޕީޑާއި ލެޓެންސީ ދަށްކޮށް، ކަނެކްޓިވިޓީ އިތުރުކޮށްދޭ އުރީދޫގެ ޒަމާނީ 5ޖީ ޓެކްނޮލޮޖީ ފާހަގަކުރުމުގެ ގޮތުން ކުރިއަށް ގެންދާ ޕްރޮމޯޝަނެކެވެ.
