އުރީދޫގެ 5ޖީ ސްޕީޑު ދައްކާލައިގެން އޮކިއުލަސް ކުއެސްޓު-3 ހޯދުމުގެ ފުރުސަތު ހުޅުވާލައިފިއެވެ.
އުރީދޫ އިން ބުނީ އޮކިއުލަސް ކުއެސްޓު ހޯދުމުގެ ފުރުސަތު މި މަހު 20 ގެ ނިޔަލަށް ހުޅުވާލާފައިވާ ކަމަށެވެ. މި ކުއެސްޓު ހޯދުމަށް އުރީދޫ 5ޖީ ގެ ސްކްރީންޝޮޓް ނެގުމަށްފަހު ހޭޝްޓެގް 5ޖީ ޖެހުމަށްފަހު އުރީދޫ އަށް ޓެގް ކޮށް ސޯޝަލް މީޑިއާގައި ޕޯސްޓު ކުރުމަށް އުރީދޫ އިން ވަނީ ބުނެފައެވެ.
މީގެއިތުރުން އުރީދޫ އިން ބުނީ މުޅި ރާއްޖެއަށް 5ޖީ ފުޅާ ކުރުމުގެ މަސައްކަތުގެ ދަށުން ރާއްޖޭގެ 60 އިންސައްތައަށް މިހާރު އުރީދޫގެ 5ޖީ ލިބިގެން ދާނެ ކަމަށެވެ.
5ޖީ ގެ ހިދުމަތް މުޅި ރާއްޖެއަށް ފުޅާކުރަން އުރީދޫއިން ކުރަމުންދާ މަސައްކަތުގެ ތެރެއިން މިހާރު ރާއްޖޭގެ 60 ޕަސެންޓަށް 5ޖީ ލިބިގެންދާއިރު، މި މަސައްކަތުގެ ފޭސް ތިނެއްގައި 100 ޕަސެންޓު ކަވަރޭޖު ހާސިލްކުރެވޭނެ ކަމަށް އުރީދޫއިން ބުނެއެވެ.
އުރީދޫ އިން ވަނީ ހަލުވި ސްޕީޑާއި، ލެޓެންސީ ދަށްވެ، ރާއްޖޭގެ އެކި ކަންކޮޅުތަކުގައި ތިބި ކަސްޓަމަރުންނަށް ރަނގަޅު 5ޖީ ނެޓްވޯކެއްގެ އެކްސްޕީރިއަންސެއް ލިބިގެންދާނެ ކަމުގެ ޔަގީންކަން ދީފައެވެ.
