ގިނަ އަަދަދެއްގެ ޑޮލަރުތަކަކާއެކު ވެލާނާ އިންޓަނޭޝަނަލް އެއާޕޯޓުން ހައްޔަރު ކުރި އިންޑިއާ މީހާގެ ބަންދަށް އިތުރު ދުވަސް ޖަހައިފިއެވެ.
ފުލުހުން ބުނީ މި މައްސަލައިގައި ހައްޔަރުކޮށްފައިވަނީ އަބްދުލާ ރަގޫބު ރިސްތްރަ ހަލީލް ރަހްމާން (27އ) ނަމަކަށް ކިޔާ މީހެއްކަމަށެވެ.
މި މަހުގެ 2 ވަނަ ދުވަހު މާލެ އިން ކޮލަމްބޯއަށް ފުރަން އެއާޕޯޓަށް ދިޔަ އިންޑިއާގެ މި މީހާ ހައްޔަރުކޮށްފައިވަނީ ރާއްޖެއިން ބޭރަށް ގިނަ އަދަދެއްގެ ފައިސާ ގެންދާ ކުޅުނު މައްސަލަ އާއި ގުޅިގެންނެވެ. އޭނާގެ މައްޗަށް މަނީ ލޯންޑަރިންގެ ތުހުމަތުކޮށް ހައްޔަރުކޮށްފައިވާއިރު ފުލުހުން ބުނީ މި މައްސަލަ އާއި ގުޅިގެން އޭނާގެ ބަންދާ މެދު ގޮތެއް ނިންމުަމށް މި މަހުގެ 3 ވަނަ ދުވަހު ކޯޓަށް ހާޒިރުކުރުމުން އެންމެ ފުރަތަމަ އޭނާގެ ބަންދަށް ޖަހާފައިވަނީ 5 ދުވަސްކަމަށެވެ.
އޭނާގެ ބަންދުގެ މުއްދަތު އިތުރުކުރުމަށް އިއްޔެ ކޯޓަށް ހާޒިރުކުރުމުން އިތުރު 10 ދުވަސް ބަންދަށް ޖަހާފައިވާކަަމަށް ފުލުހުން ވަނީ ބުނެފައެވެ. މި މައްސަލައިގައި ކޯޓުން ނެރުނު ބަންދު އަމުރުގައި ވަނީ، އޭނާގެ އަތުން ހިފެހެއްޓި ފައިސާ އަކީ ސައްހަ ގޮތުގައި ހިފަހަައްޓާފައިވާ ފައިސާ ކަމަށެވެ.
މި މައްސަލަ ފުލުހުން ދަނީ އިތުރަށް ތަހުގީގުކުރަމުންނެވެ.
