ތަފާތު ޕްރިމިއަމް ކޮންޓެންޓްތައް ގެނެސްދޭ ދުނިޔޭގެ މަޝްހޫރު ސްޓްރީމިން ޕްލެޓްފޯމެއް ކަމަށްވާ "ލަޔަންސްގޭޓް ޕްލޭ" އުރީދޫގެ ކަސްޓަމަރުންނަށް ތާރަފް ކޮށްފިއެވެ.
އުރީދޫއިން ބުނީ މި ހިދުމަތަކީ މުނިފޫހިފިލުވުމުގައި ރާއްޖޭގެ އެކި ކަންކޮޅުތަކުގައި ތިބި އުރީދޫގެ ކަސްޓަމަރުންނަށް ތަފާތު އަދި ހިތްހަމަޖެހޭ ކޮންޓެންޓް ލިބިގެންދާނެ ހިދުމަތެއް ކަމަށާއި، ލަޔަންސްގޭޓް ޕްލޭއަކީ ބްލޮކްބަސްޓާ ފިލްމުތަކާއި އޮރިޖިނަލް ސީރީޒްތަކާއި އެކްސްކްލޫސިވް ކޮންޓެންޓްގެ މުއްސަނދި ލައިބްރަރީއަކާ އެކު މުނިފޫހިފިލުވުމަށް ޝައުގުވެރިވާ ފަރާތްތަކަށް ވަން ސްޓޮޕް ޑެސްޓިނޭޝަނެއް ކަމަށެވެ.
އުރީދޫ އިން ބުނީ މި ހިދުމަތް ވެގެންދާނީ ކޮލިޓީ، އިނޮވޭޝަން އަދި ސްޓޯރީޓޭލިންއަށް ހާއްސަ ސަމާލުކަމެއް ދީގެން ފޯރުކޮށްދެވޭ ހިދުމަތަކެށެވެ. މީގެއިތުރުން ލަޔަންސްގޭޓް ޕްލޭ އެކްޓިވޭޓް ކުރުމަށް އުރީދޫގެ ސުޕަ އެޕް ބޭނުން ކުރެވޭނެ ކަމަށް އުރީދޫއިން ވަނީ މައުލޫމާތު ދީފައެވެ. އެގޮތުން އުރީދޫއިން ބުނީ ލަޔަންސްގޭޓް ޕްލޭ ސަބްސްކްރިޕްޝަނާއެކު 100 ޖީބީ ހިމެނޭ ކަމަށާއި 250 ރުފިޔާއަށް ސްޓްރީމް ކުރެވޭނެކަމަށެވެ.
އުރީދޫ މޯލްޑިވްސްގެ ޗީފް ކޮމާޝަލް އޮފިސަރު ހުސައިން ނިޔާޒް ވިދާޅުވީ އުރީދޫ ނެޓްވޯކްގައި ލަޔަންސްގޭޓް ޕްލޭ ތައާރަފްކުރުމުން މުނިފޫހިފިލުވުމުގެ ތަޖުރިބާ އިތުރަށް ފުރިހަމަވެ ދުނިޔޭގެ ފެންވަރުގެ މުނިފޫހިފިލުވުން އުރީދޫގެ ކަސްޓަމަރުންނަށް ލިބިގެންދާނެ ކަމަށެވެ. އަދި ލަޔަންސްގޭޓް ޕްލޭ ތާރަފް ކުރެވުމާ ގުޅިގެން އޭޝިއާގެ ލަޔަންސްގޭޓް ޕްލޭގެ ރައީސް ރޯހިތު ޖެއިން ވަނީ މި ހިދުމަތް ރާއްޖެއަށް ތާރަފްކޮށް ބެލުންތެރިންނަށް ދުނިޔޭގެ ފެންވަރުގެ ސްޓްރީމިން އެކްސްޕީރިއަންސެއް ލިބުމަކީ ލިބޭ ވަރަށް ބޮޑު އުފަލެއް ކަމުގައި ވިދާޅުވެފައެވެ.
އުރީދޫއިން ބުނީ އެ ކުންފުނިން އަބަދުވެސް މަސައްކަތް ކުރަމުން ދަނީ ކަސްޓަމަރުންނަށް އެންމެ ފުރިހަމަ ހިދުމަތްތައް ފޯރުކޮށްދިނުމަށް ކަމަށެވެ.
