މަސްތުވާތަކެއްޗާ އެކު ވެލާނާ އެއާޕޯޓުން އަންހެނަކު ފުލުހުންގެ ބެލުމުގެ ދަށަށް ގެންގޮސްފިއެވެ.
ފުލުހުން ބުނީ، ވެލާނާ އެއާޕޯޓުން ރޭ ހައްޔަރުކުރީ 30 އަހަރުގެ އަންހެނެއް ކަމަށެވެ.
އޭނާ ހައްޔަރުކޮށް ބަލައި ފާސްކުރިއިރު ޖުމްލަ 209 ގްރާމްގެ ބަރުދަން ހުރި ދެ ރަބަރު ޕެކެޓު ފެނިފައިވާ ކަމަށް ވެސް ފުލުހުން ބުންޏެވެ.
މި މައްސަލައާ ގުޅިގެން އޭނާގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން ކޯޓުން ނިންމީ ފަސް ދުވަހަށް އޭނާ ބަންދުކުރުމަށެވެ.
ފުލުހުން ދަނީ މި މައްސަލަ ތަހުގީގު ކުރަމުންނެވެ.
