ބާރު ސްޕީޑުގައި ދިޔަ ސައިކަލެއް ވެލިފުންޏަކަށް އަރާ އައްޑޫ ސިޓީ ހިތަދޫގައި އެކްސިޑެންޓެއް ހިނގައިފިއެވެ.
ފުލުހުން ބުނީ މި އެކްސިޑެންޓު ހިނގާފައިވަނީ ރޭ 23:49 ހާއިރު ކަަމަށެވެ. ފުލުހުން ބުނީ މި އެކްސިޑެންޓު ހިނގީ އައްޑޫ ސިޓީ ހިތަދޫގައި ފެން ހިންދާ ނިޒާމް ގާއިމުކުރުމަށް މަގު ކޮނެފައިވާ ހިސާބުން ބާރު ސްޕީޑުގައި ދުއްވާފައި ދިޔަ ސައިކަލެއް ކޮންޓްރޯލް ނުވެ ވެލިފުންޏަކަށް އަރައިގެން ކަމަށެވެ.
މި ހާދިސާގައި ސައިކަލު ދުއްވަން އިން 23 އަހަރުގެ ޒުވާނާއަށް އަނިޔާވެ އައްޑޫ އިކުއިޓޯރިއަލް ހޮސްޕިޓަލުގައި ދަނީ ފަރުވާ ދެމުންނެވެ.
މި ޒުވާނާ އިތުރު ފަރުވާއަށް މާލެ ގެންދަން އުޅޭ ކަމަށް އައްޑޫ އިކުއިޓޯރިއަލް ހޮސްޕިޓަލުން ވަނީ މައުލޫމާތު ދީފައެވެ.
ފުލުހުން ބުނީ މި ހާދިސާއާ ގުޅިގެން ބަލަން ޖެހޭ ކަންކަން ފުލުހުން ބަލަމުން ގެންދާ ކަމަށެވެ.
