އުރީދޫ މޯލްޑިވްސްގެ 19 ވަނަ އަހަރީ ދުވަސް އޮގަސްޓް 1 ގައި ފާހަގަކުރަން ފެށުމާއިއެކު، 5ޖީ ގެ ހިދުމަތް މުޅި ރާއްޖެއަށް ފުޅާކުރަން ނިންމާފައިވާ ކަމަށް އެ ކުންފުނިން ބުނެފިއެވެ.
އުރީދޫއިން ބުނީ އުރީދޫ 5ޖީ މިހާރު ރާއްޖޭގެ 60 އިންސައްތަ އަށް މިއަދުން ފެށިގެން ލިބިގެންދާނެކަމަށާއި މި މަސައްކަތުގެ ފޭސް ތިނެއްގައި 100 އިންސައްތަ ކަވަރޭޖު ހާސިލްކުރެވޭނެ ކަމަށެވެ. އުރީދޫ އިން ބުނީ ހަލުވި ސްޕީޑާއި، ލެޓެންސީ ދަށްވެ، ރާއްޖޭގެ އެކި ކަންކޮޅުތަކުގައި ތިބި ކަސްޓަމަރުންނަށް ރަނގަޅު 5ޖީ ނެޓްވޯކެއްގެ އެކްސްޕީރިއަންސެއް ލިބިގެންދާނެ ކަމުގެ ޔަގީންކަން ދޭ ކަމަށެވެ.
މީގެއިތުރުން އުރީދޫ އިން ބުނީ އަހަރީ ދުވަހާ ގުޅިގެން އުރީދޫއިން ލޯޔަލްޓީ ޕްރޮގްރާމެއް ހިންގުމަށް ހަމަޖެހިފައިވާ ކަމަށާއި، މި ޕްރޮގްރާމުގައި ހުރިހާ ކަސްޓަމަރުންނަށް ބައިވެރިވެވޭނެ ކަމަށެވެ. "ނުޖޫމް" ގެ ނަމުގައި ހިންގާ މި ޕްރޮގްރާމަކީ ކަސްޓަމަރުންނަށް އުރީދޫ އެޕް މެދުވެރިކޮށް ކުރާ ކޮންމެ ޓްރާންސެކްޝަނަކާއެކު ޕޮއިންޓް ހޯދައި، އުރީދޫގެ ގިނަ ހިދުމަތްތަކަށާއި ތާޑް ޕާޓީ އޮފާތަކަށް ރިޑީމް ކުރެވޭނެ ޕްރޮގްރާމެކެވެ. އުރީދޫއިން ބުނީ އެ ކުންފުނީގެ ނުޖޫމް ޕްރޮގްރާމަކީ ދުނިޔޭގެ އެކި ކަންކޮޅުތަކުގައި ބޭނުންކުރާ ލޯޔަލްޓީ ޕްރޮގްރާމެއް ކަމަށެވެ.
އުރީދޫއިން ވަނީ "އާޗާ ދަންދަން" ގެ ނަމުގައި ދަންވަރަށް ހާއްސަ ޑޭޓާ ޕެކޭޖުތަކެއްވެސް ތައާރަފު ކޮށްފައެވެ. އުރީދޫއިން ބުނީ މި ޕެކޭޖުގެ ދަށުން ދަންވަރު ވަގުތު ހޭދަކުރާ ފަރާތްތަކަށް ހާއްސް އާޗާ ދަންދަން އިން ކޮންމެ ދުވަހަކު ވެސް ސޯޝަލް މީޑީއާގެ ގިނަ އެޕްލިކޭޝަންތަކަށް ޑޭޓާ އެލަވަންސެއް ލިބޭނެކަމަށާއި "ދަން ދަން" ގަޑިތަކުގައި ދަންވަރު 1:00 އިން ފަތިހު 5:00 އަށް ލިބިގެންދާނެ ކަމަށެވެ.
އުރީދޫއިން ބުނީ މި ޕްލޭންއާއެކު މެދުނުކެނޑި ސޯޝަލް މީޑިއާގައި ވަގުތު ހޭދަކުރެވޭނެ ކަމަށެވެ.
