އިންޑިއާގައި ރާއްޖޭގެ ފަތުރުވެރިކަން އިސްތިހާރުކުރުމަށް ބާއްވާ "ވެލްކަމް އިންޑިއާ" ރޯޑްޝޯގައި ބައިވެރިވެވަޑައިގަތުމަށް ޓޫރިޒަމް މިނިސްޓަރު އިބްރާހިމް ފައިސަލް އިންޑިއާއަށް ފުރާވަޑައިގެންފިއެވެ.
"ވެލްކަމް އިންޑިއާ" ރޯޑްޝޯއަކީ ފައިދާ ހުރި ކާމިޔާބު ރޯޑްޝޯއަކަށްވާނެ ކަމަށް އުންމީދު ކުރައްވާ ކަމަށް މިނިސްޓަރު ފައިސަލް ވަނީ ވިދާޅުވެފައެވެ.
"ވެލްކަމް އިންޑިއާ" ރޯޑްޝޯ ކުރިއަށް ފެށުމަށް ހަމަޖެހިފައި ވަނީ މާދަމާ ނިއުދިއްލީގައެވެ. އަދި އަންނަ މަހުގެ 1 ވަނަ ދުވަހު މުމްބާއީގައި ރޯޑްޝޯއެއް ކުރިއަށް ގެންދިއުމަށް ހަމަޖެހިފައި ވާއިރު، އަންނަ މަހުގެ 3 ވަނަ ދުވަހު ބަންގަލޫރުގައި ރޯޑްޝޯއެއް ކުރިއަށް ގެންދިއުމަށް ވަނީ ހަމަޖެހިފައެވެ.
އެމްއެމްޕީއާރްސީއިން ބުނީ "ވެލްކަމް އިންޑިއާ" ރޯޑްޝޯގެ މަގްސަދަކީ ރާއްޖޭގެ ރީތި ގޮނޑުދޮށްތަކާއި ލަގްޒަރީ ރިސޯޓްތަކާއި ހިތްގައިމު ގެސްޓްހައުސްތަކާއި މުއްސަނދި ސަގާފީ ތަރިކަތައް ދައްކާލުން ކަމަށެވެ. އަދި އިތުރުވަމުންދާ ޑިމާންޑްގެ ބޭނުން ހިފައި، އިންޑިއާގެ ފަތުރުވެރިންގެ މެދުގައި އެންމެ މަގޫބުލު މަންޒިލެއްގެ ގޮތުގައި ރާއްޖެ ހެދުމަކީ މަގުސަދެއް ކަމަށް ވެސް އެމްއެމްޕީއާރްސީއިން ވަނީ ބުނެފައެވެ.
މި ރޯޑްޝޯވްގައި އެމްއެމްޕީއާރްސީ، މޯލްޑިވްސް އެސޯސިއޭޝަން އޮފް ޓްރެވަލް އޭޖެންޓްސް އެންޑް ޓުއާ އޮޕަރޭޓާސް (މަޓާޓޯ) އަދި ނޭޝަނަލް ހޮޓެލް އެންޑް ގެސްޓްހައުސް އެސޯސިއޭޝަން (އެންއެޗްޖީއެމް)އިން ބައިވެރިވާނެއެވެ.
ހަހަަހަހަހާ...... ހަހަަހަހަހާ......