މޯބައިލް ފޯނާއި އެސެސަރީސްގެ ތެރެއިން ދިވެހިންގެ ތެރޭގައި އެންމެ މަގުބޫލު އެޕަލް އަދި ސެމްސަންގެ ބައެއް ޕްރޮޑަކްތްތަކުގެ އަގުތައް ހެޔޮކޮށްފައިވާ ކަމަށް އުރީދޫ މޯލްޑިވްސް އިން ބުނެފިއެވެ.
އުރީދޫ އިން ބުނީ، އޮންލައިންކޮށް ވިޔަފާރި ކުރެވޭ މޫލީ ޕްލެޓްފޯމް އިން "ފްލޭޝް ސޭލް" ގެ ނަމުގައި ހާއްސަ ޕްރޮމޯޝަނެއް ފަށާފައިވާ ކަމަށާއި އެ ޕްރޮމޯޝަންގެ ދަށުން މަގްބޫލް ބްރޭންޑްތަކުގެ ސްމާޓް ފޯނާއި އެސެސަރީސް، ޑިސްކައުންޓާ އެކު ހެޔޮ އަގުގައި ކަސްޓަމަރުންނަށް ލިބޭނެ ކަމަށެވެ.
އެގޮތުން މި ފްލޭޝް ސޭލްސްގައި ޑިސްކައުންޓް ލިބޭ ތަކެތީގެ ތެރޭގައި އައިފޯން 15، ޕަވާ އެޑަޕްޓާ، ސެމްސަންގް ގެލެކްސީ އެސް24، އެޕަލް ވޮޗް ސީރީޒް، ވާވޭ ވޮޗް ބަޑްސް ފަދަ ޑިވައިސްތައް ހިމެނެއެވެ. އަދި މި ޕްރޮމޯޝަންގެ ދަށުން މޫލީ މެދުވެރިކޮށް އަދި އުރީދޫ އެކްސްޕީރިއަންސް ސެންޓަރު މެދުވެރިކޮށް ތަކެތި ގަނެވޭނެ ކަމަށް އުރީދޫން ބުނެއެވެ.
މޫލީ މެދުވެރިކޮށް ތަކެތި ބަލައި ގަތުމުން ރާއްޖޭގެ ކޮންމެ ހިސާބަކަށް މުޅިން ހިލޭ ޑެލިވަރީ ކޮށް ދޭނެއެވެ. މިއީ ރާއްޖޭގެ އެކި ހިސާބުތަކުގައި ދިރިއުޅޭ ފަރާތްތަކަށް އިތުބާރު ހިފޭ ކޮލިޓީ ޕްރޮޑަކްޓް ހެޔޮ އަގުގައި ކޮންމެތާކު ކޮންމެ ވަގުތެއްގައި ވެސް ފަސޭހަކަމާ އެކު ވިޔަފާރިކޮށްލެވޭނެ ފުރިހަމަ ޕްލެޓްފޯމެއް ކަމަށް އުރީދޫން ބުނެއެވެ.
ފުޅާވަމުން އަންނަ އޮންލައިންކޮށް ވިޔަފާރިކުރެވޭ މޫލީ މެދުވެރިކޮށް ފުރިހަމަ ޑިޖިޓަލް ޝޮޕިން ތަޖުރިބާއެއް ކަސްޓަމަރުންނަށް ފޯރުކޮށްދިނުމުގެ ގޮތުން، މުޅި ރާއްޖެއަށް ހިލޭ ޑެލިވަރީ ކޮށްދިނުމުގެ އިތުރުން އޮންލައިން ޕޭމަންޓާއި އީޒީ ރިޓަންސް މޫލީ އިން ފޯރުކޮށްދެއެވެ.
މި ޕްލެޓްފޯމްގެ ހާއްސަ އަނެއް ކަމަކީ، ކުދި ވިޔަފާރިތަކާއި އޮންލައިން ރީޓެއިލަރުންނަށް، ފަސޭހަކަމާ އެކު ކުރިއަށް ވުރެ ގިނަ ކަސްޓަމަރުންނާއި މުއާމަލާތް ކުރުމުގެ ފުރުސަތު ފަހިވެ، ޑެލިވަރީ ހިދުމަތް ލިބުމެވެ. ވިޔަފާރި އޮންލައިންކޮށް، އިތުރަށް ފުޅާކޮށް އަދި ގިނަ ކަސްޓަމަރުންނަށް ހިދުމަތްދޭން ބޭނުންވާ ކޮންމެ ފަރާތަކަށް ވެސް މޫލީއިން ވަނީ އެ ފުރުސަތު ހުޅުވާލާފައެވެ. އިތުރު ފަރާތްތަކުން މޫލީ އާއި ގުޅެމުންދާ އިރު، މި ޕްލެޓްފޯމް އޮތީ ކުރިޔަށް ވުރެ ގިނަ ކަސްޓަމަރުންނަށް، ކުރިޔަށް ވުރެ ތަފާތު ގިނަ އުފެއްދުންތަކެއް ފޯރުކޮށްދިނުމަށް ތައްޔާރުގައި ކަމަށް އުރީދޫން ބުނެއެވެ.
