ބިދޭސީ މަސައްކަތްތެރިން ރާއްޖެ ގެނައުމަށް ފަހު، އެ މީހުންނަށް އިހުމާލުވާ ފަރާތްތަކަށް ފިޔަވަޅު އަޅަން ވަޒީރުންގެ މަޖިލީހުން ނިންމައިފިއެވެ.
ވަޒީރުންގެ މަޖިލީހުން އިއްޔެ މިހެން ނިންމާފައިވަނީ ގަވައިދާ ހިލާފަށް އުޅޭ ބިދޭސީންގެ މައްސަލަ ހައްލުކުރުމަށްޓަކައި އަޅާނެ ފިޔަވަޅުތަކާ މެދު، އިއްޔެގެ ބައްދަލުވުމުގައި މަޝްވަރާކުރެއްވުމަށް ފަހުގައެވެ.
ރައީސް އޮފީހުން ބުނީ، ބިދޭސީ މަސައްކަތްތެރިން ރާއްޖެ ގެނައުމަށް ފަހު އެ މީހުންނަށް އިހުމާލުވާ މީހުންގެ ލިސްޓެއް އެކުލަވާލައި އެ ލިސްޓު އާންމުކުރުމަށާއި، ބިދޭސީންނަށް ވަޒީފާދޭ ފަރާތުން އިހުމާލުވާ ނަމަ ޖޫރިމަނާކުރުމުގެ އިތުރުން، އެފަދަ އަމަލުތައް ތަކުރާރުވާނަމަ އިތުރު ފިޔަވަޅު އަޅަން ސަރުކާރުން ނިންމާފައިވާ ކަމަށެވެ.
މީގެ އިތުރުން، ގަވައިދާ ހިލާފަށް އުޅޭ ބިދޭސީންގެ މައްސަލަ ހައްލުކުރުމަށް އަޅަން ފެންނަ ކަމަށް ވަޒީރުންގެ މަޖިލީހުން ދެން ނިންމި ފިޔަވަޅުތަކަކީ:
- ގަވައިދާ ހިލާފަށް ބިދޭސީން ކުރާ ވިޔަފާރިތައް އޮޑިޓުކޮށް، ގާނޫނީ ފިޔަވަޅު އެޅުމަށް
- ވަޒީފާ އާ ބެހޭ ގާނޫނު ވީ އެންމެ އަވަހަކަށް އިސްލާހުކުރުމަށް
- އަނބުރާ ގައުމަށް ދާން ބޭނުންވާ ބިދޭސީންނަށް ފަސޭހަ ގޮތެއް ހޯދައިދިނުމަށް
ގަވައިދާ ހިލާފަށް އުޅޭ ބިދޭސީންގެ މައްސަލަ ހައްލުކުރުމަށްޓަކައި 'ކުރަނގި' ނަމުގައި ސަރުކާރުން ބިދޭސީން ގަވައިދަށް ފެއްތުމުގެ އޮޕަރޭޝަނެއް ފަށާފައި ވަނީ މިދިޔަ މޭ މަހުގައެވެ. މި އޮޕަރޭޝަންގެ ދަށުން ބިދޭސީންގެ ފިންގަޕްރިންޓާއި ފޭޝަލް ރިގޮކްނިޝަން ނެގުމުގެ މަސައްކަތް ކުރިއަށް ދާނެއެވެ. މި އޮޕަރޭޝަންގެ ދަށުން ކ. ހިންމަފުށްޓާއި އެ އަތޮޅުގެ މާފުށީގައި ދިރިއުޅޭ ބިދޭސީންގެ މައުލޫމާތު އެއްކޮށްފައިވާ ކަމަށް، ހޯމްލޭންޑް މިނިސްޓްރީން ބުނެއެވެ.
އެހެންވީމާ ބިދޭސީންނަށް މުސާރަނުދެވެނީ ސަރުކާރުން ދޭންޖެހޭ ފައިސާ ނުދީގެން ކަމުގަ ވަނީނަމަ ސަރުކާރުގެ ވެރިމީހާ ނަންވެސް ވާނެ ހާމަކުރަން،
ޢެންމެ ފުރަތަމަ ސިޔާސީ ފަރާތް ތަކުގެ މައުލޫމާތު ބަލާބަލަ. ހުޅުމާލެ ދެކުނު މެމްބަރު ޝަމްހީދު މެން ކަންކަން ކުރަމުންދާ ގޮތް ބަލާބަލަ. ކިތައް މީިހުންނަށް މުސާރަ ނުދީ އެބަހުރިތޯ. ކިތަށް މަހުގެ މުސާރަތޯ ނުދީ ހުރީ. ކިތައް މީހުންނަށް 5 މަސް މުސާރަ ނުދީގެން ކާނެ ، ބޯނެ ގޮތެއް ނެތިގެން އަމިއްލަ އާއިލާއިން ލާރި ބޭރުން ގެނެސްގެން ޓިކެޓް ނަގައިގެން އަނބުރާ ރަށަަށް ގޮސްފިތޯ. ޥަރަށްް އިހާނެތިކޮށް ކަންތައް ކުރަމުން އެދަނީ. ޢިހަކަށްދުވަހު ހުޅުމާލެ ޕޮލިސް ސްޓޭޝަނަށް މައްސަލަ ހުށަހެޅީމަވެސް އެކަން ނިންމާނެ ކަމަށްބުނެ މިއަދާއި ހަމަޔަށްވެސް އެންމެ ލޯ ލާރިއެއްވެސް ނުދޭ. ޢެމް.ޕީ.އެލް ހިޔާ ޓަވަރުތަކުގެ މަސައްކަތް ކުރި މީހުންނަށް ވެސް ލާރި ނުދޭ. މަކަރާއި ހީލަތްތެރި ބައެއް އެެއީ. ޥަގު ކުންފުންޏެއް ހަދައިގެން މުޅިން އޮޅުވާލުމުގައި އެދަނީ.