މަސްތުވާތަކެއްޗާ ދެކޮޅަށް ކުޅުދުއްފުށްޓާއި ބ. އަތޮޅުގައި ފުލުހުން ހިންގި އޮޕަރޭޝަނެއްގައި ދެ ފިރިހެނަކު މިއަދު ހައްޔަރު ކޮށްފިއެވެ.
އެކަކު ކުޅުދުއްފުށިން ހައްޔަރުކުރިއިރު، ދެވަނަ މީހާ ހައްޔަރުކުރީ ބ. ހިތާދުއިންނެވެ.
ކުޅުދުއްފުށިން ހައްޔަރުކުރި މީހާ އާ ބެހޭ ގޮތުން ފުލުހުން ބުނީ، އެ މީހާ ހައްޔަރުކުރީ މިއަދު ހެނދުނު 9:38 ހާއިރު، އެ ސިޓީ އަށް މަސްތުވާތަކެތި އެތެރެކޮށް އެ ތަކެތީގެ ވިޔަފާރިކުރާ ކަމަށް ތުހުމަތުކުރެވޭ މައްސަލައެއް ހުށަހެޅިފައި އޮތުމުން ކަމަށެވެ.
ބ. ހިތާދޫން ހައްޔަރުކުރި މީހާ އާ ބެހޭ ގޮތުން ފުލުހުން ބުނީ:
- އޭނާ އަށް ފުލުހުން ބަނދަރުމަތިން ފެނުމުން، އޭނާ ގެންގުޅުނު ފޮށިގަނޑެއް އެއްލާލި ކަމަށް
- އެ ފޮށިގަނޑު ނަގައި ބެލިއިރު، މަސްތުވާތަކެތި ކަމަށް ބެލެވޭ އެއްޗެހި ހުރި ފިލްމު ހުސްކުރި ދަޅަކާއި ނުވަ ރަބަރު ޕެކެޓު ފެނުނު ކަމަށް
ދެ މައްސަލަ ވެސް ތަހްގީގުކުރަމުންދާ ކަމަށް، ފުލުހުން ބުންޏެވެ.
މީހާ ނުދައްކާ ޑްރަގު ތި ދައްކަނީ އަދިވެސް އިސްތިހާރު ތިކުރަނީ ޑްރަގު