މޯލްޑިވްސް ޓްރާންސްޕޯޓް ކޮޓްރެކްޓިންގް ކޮމްޕެނީ (އެމްޓީސީސީ)ގެ ހިއްސާ އަކަށް 4 ރުފިޔާ ބަހަން ފާސްކޮށްފިއެވެ.
2023 ވަނަ އަހަރު ބޭއްވި 2022 ވަނަ އަހަރުގެ އަހަރީ އާންމު ޖަލްސާގައި ހިއްސާގެ ފައިދާގެ ގޮތުގައި މޫނުމަތީ އަގު 5 ރުފިޔާގެ ހިއްސާއަކަށް 4 ރުފިޔާ ބެހުމަށް ޑިރެކްޓަރުންގެ ބޯޑުން ފާސްކޮށް، އެއަހަރުގެ އަހަރީ އާންމު ޖަލްސާއަށް ހުށަހެޅުމަށްފަހު ހިއްސާދާރުންގެ ވޯޓުން އެއައިޓަމް ފާސްނުވާކަމަށް ކަނޑައަޅާފައެވެ.
ނަމަވެސް އެ ކުންފުނީގެ މިހާރުގެ މެނޭޖްމެންޓުން ވަނީ 2022 ވަނަ އަހަރުގެ ހިއްސާގެ ފައިދާއާބެހޭ ގޮތުން މަޝްވަރާކޮށް، ޑިރެކްޓަރުންގެ ބޯޑުގެ ނިންމުމުގެ މަތިން މިއަހަރު ބާއްވާ ހާއްސަ އާންމު ޖަލްސާއަށް 2022 ވަނަ އަހަރުގެ ހިއްސާގެ ފައިދާގެ ގޮތުގައި މޫނުމަތީ އަގު 5 ރުފިޔާގެ ހިއްސާއަކަށް 4 ރުފިޔާ ބެހުމަށް އަލުން ހުށަހަޅާފައެވެ.
އެގޮތުގެ މަތިން މިއަދު ބޭއްވި އެ ކުންފުނީގެ އަހަރީ އާންމު ޖަލްސާގައި ޖުމްލަ 47 ހިއްސާދާރުން ވަނީ ބައިވެރިވެފައެވެ. އެއީ މުޅިއެކު 5,540,192 (ފަސްމިލިއަން ފަސްލައްކަ ސާޅީސް ހާސް އެއްސަތޭކަ ނުވަދިހަދެ) ހިއްސާ އެވެ. އަދި ކުންފުނީގެ ހިއްސާދާރުންގެ އިއްތިފާގުން 2022 ވަނަ އަހަރު ހިއްސާގެ ފައިދާގެ ގޮތުގައި 5 ރުފިޔާގެ މޫނުމަތީ އަގުގެ ކޮންމެ ހިއްސާއަކަށް 4 ރުފިޔާ ބަހާގޮތަށް ވަނީ ފާސްކޮށްފައެވެ.
މީގެ އިތުރުންވެސް ޖަލްސާގައި ކުންފުނީގެ އަސާސީ އަދި ހިންގާ ގަވާއިދަށް ހުށަހަޅާފައިވާ އިސްލާހުތައްވެސް ވަނ،ީ ހިއްސާދާރުންގެ ތާއިދާ އެކު ފާސްކޮށްފައެވެ. އެގޮތުން ގާނޫނު ނަންބަރު 07/2023 (ކުންފުނީގެ ގާނޫނު) ތަސްދީގުކުރިފަހުން، އެމްޓީސީސީއަކީ، މި ގާނޫނާ އެއްގޮތް ކުރުމަށްފަހު، ކުންފުނީގެ އަސާސީ އަދި ހިންގާ ގަވާއިދު ފާސްކުރި ފުރަތަމަ ޕަބްލިކް ލިސްޓަޑް ކުންފުނިކަން ފާހަގަކޮށްލެވެ އެވެ.
އަދި ހަމައެހެންމެ ހިއްސާދާރުންނަށް ހިދުމަތް ކުރުމުގައ،ި ޑިރެކްޓަރުންގެ ބޯޑުންނާއ،ި ކުންފުނީގެ މެނޭޖްމަންޓުނ،ް ސާބިތުކަމާ އެކު ދެމި ތިބޭނެކަމުގެ ޔަގާންކަން ޖަލްސާގައި ކުންފުނީގެ ބޯޑުގެ ޗެއާމަން ވަނީ ހިއްސާދާރުންނަށް އަރުވާފައެވެ.
