ދައުލަތުގެ ކުންފުނިތަކުގެ ހިންގުން ހަރުދަނާ ކުރުމަށް ބާރުއެޅުމުގެ ގޮތުން 5 ދާއިރާއަކުން އެވޯޑު ދިނުމަށް ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު، (ޕީސީބީ) އިން ނިންމައިފިއެވެ.

ޕީސީބީ އިން ބުނީ އެވޯޑު ދިނުމުގައި އަމަލުކުރާނެގޮތުގެ އުސޫލުވެސް މިހާރު އާންމުކޮށްފައިވާ ކަމަށާއި، މިއެވޯޑު ދިނުމުގެ ބޭނުމަކީ ދައުލަތުގެ ހުރިހާ ކުންފުނިތަކަކީ ކޯޑް އޮފް ކޯޕަރޭޓް ގަވަނަންސްގެ އުސޫލުތަކަށް ފުރިހަމައަށް އަމަލުކުރާ ކުންފުނިތަކަކަށް ހެދުން ކަމަށެވެ.

އެވޯޑު ދޭ 5 ދާއިރާ:

  1. އެކްސެލެންސް އިން ގަވަނަންސް
  2. އައުޓް ސްޓޭންޑިން ޕްރޮގްރެސް
  3. އައުޓްސްޓޭންޑިން ބޯޑް ޗެއާމަން
  4. އައުޓްސްޓޭންޑިން މެނޭޖިން ޑިރެކްޓަރު
  5. އައުޓްސްޓޭންޑިން ކޮމްޕެނީ ސެކްރެޓަރީ

ޕީސީބީ އިން ވަނީ އެވޯޑުތަކަށް ނޮމިނޭޓު ނުކުރެވޭނެ ކުންފުނިތަށްވެސް ބަޔާންކޮށްފައެވެ. އެގޮތުން ކުންފުނީގެ އަހަރީ ރިޕޯޓު އާންމުކޮށްފައިނުވާ އަދި ޕީސީބީން އިސްލާހީ ފިޔަވަޅެއް އަޅާފައިވާ ނުވަތަ ކުންފުނީގެ އަހަރީ އާންމު ޖަލްސާ ބާއްވާފައި ނުވާ ކުންފުނިތަށް މި އެވޯޑުގައި ނޮމިނޭޓު ނުކުރެވޭނެކަމަށް ވަނީ ބުނެފައެވެ.

ހަބަރު ސަރުކާރު ޕީސީބީ