މި މަހުގެ ހަތްވަނަ ދުވަހު ވެލާނާ އެއާޕޯޓުގައި ދެ މުވައްޒަފަކަށް ހަމަލާދީ މާރާމާރި ހިންގި މައްސަލައިގައި ހައްޔަރުކުރި އެމެރިކާ މީހާ ގާތްގަނޑަކަށް 11 ހާސް ރުފިޔާއިން ޖޫރިމަނާކުރަން ކްރިމިނަލް ކޯޓުން މިއަދު ހުކުމްކޮށްފިއެވެ.
އެމެރިކާގެ ހަޑަޑް ވިސާމް މިމަހުގެ ހަތްވަނަ ދުވަހު ހައްޔަރުކުރީ ފުރަން ގޮސް އުޅުމުގެ ތެރޭގައި، އެއާޕޯޓުގެ ދެ މުވައްޒަފަކަށް ހަމަލާދީ މާރާމާރީ ހިންގި މައްސަލައިގައެވެ. އޭނާ ހަމަލާދޭ މަންޒަރު ފެންނަ ވީޑިއޯއެއް ވެސް ސޯޝަލް މީޑިއާގައި ދައުރުވިއެވެ. އޭނާ އެއާޕޯޓުގައި މާރާމާރީ ހިންގީ، ދާގީނާ ކިރިއިރު ބަރުވުމުން އިތުރަށް ފައިސާ ދެއްކުމަށް އެންގުމުން އެކަމާ މެދު ހިތްހަމަނުޖެހިގެން ކަމަށް، 'ދަ ޕްރެސް' އާ އެ ދުވަހު ވާހަކަދެއްކި މީހަކު ކިޔައިދިނެވެ.
އެ މައްސަލައިގައި އޭނާ ފުރުން މަނާކޮށް، ބަންދުން ވަނީ ދޫކޮށްލައިފައެވެ.
ހަޑަޑްގެ މައްޗަށް ދައުލަތުން އުފުލާފައިވަނީ ގައިގައި އަތްލުމުގެ ދައުވާ އާއި އަނިޔާއެއް ދިނުމުގެ ދައުވާއެވެ. ދައުލަތާ އެކު ހެދި އިއުތިރާފް އެއްބަސްވުމެއްގެ ދަށުން ދެ ދައުވާއަށް ވެސް އޭނާ ވަނީ އިއުތިރާފްވެފައެވެ.
އެ އެއްބަސްވުމާ އެއްގޮތަށް ކޯޓުގައި އޭނާ އިއުތިރާފްވެފައިވާތީ، އެއްބަސްވުމާ އެއްގޮތަށް 10،800ރ އެއް މަސްދުވަހުގެ ތެރޭ މީރާ އަށް ދެއްކުމަށް، މައްސަލަ ބެއްލެވި ގާޒީ އިބްރާހީމް ޒިހުނީ ކުރެއްވި ހުކުމްގައި އަންގާފައިވެއެވެ. އެއީ ގައިގައި އަތްލުމުގެ ކުށް ސާބިތުވުމުން އޭނާ 3،600ރ އިން ކުރި ޖޫރިމަނާ އާއި އަނިޔާއެއް ދިނުމުގެ ކުށް ސާބިތުވުމުން އޭނާ 7،200ރ އިން ކުރި ޖޫރިމަނާގެ ޖުމްލަ އަދަދެވެ.
ތިކުރިޖޫރިމަނާ އަކީ އަހުމަދަށް އަނިޔާކޮށްގެން ކުރިޖޫރިމަނާއެއްކަށްވިއަސް ފައިސާ ސަރުކާރަށް އަނިޔާ އަހުމަދަށް