ފަތުރުވެރިއަކު ގެންގުޅު ކުއްތާއެއް ތުލުސްދޫއަށް ބޭލި މައްސަލައެއް ފެންމަތިވެއްޖެއެވެ.
ކ. ހިންމަފުށީ ބޭރުގައި އޮތް ޔޮޓެއްގައި ފަތުރުވެރިންތަކެއް ގެންގުޅުނު ކުއްތާއެއް ތުލުހުސްދޫއަށް ބޭލި ކަމަށް ރިޕޯޓް ކޮށްފައިވާ ކަމަށް ފުލުހުން ބުނެއެވެ.
ފުލުހުން ބުނީ އެ ރިޕޯޓް ލިބުމާއެކު ފުލުހުން މި މައްސަލައަށް އެޓެންޑްވެފައިވާ ކަމަށެވެ. އަދި އެ ކުއްތާ މިހާރު އަނބުރާ ޔޮޓަސް ގެންގޮސްފައިވާ ކަމަށެވެ.
އެއީ ހުއްދަ ލިބިގެން ރާއްޖެ އެތެރެކޮށްފައިވާ ކުއްތާއެއްކަން މިހާތަނަށް ބެލި ބެލުމުން އެނގިފައިވާ ކަމަށް ވެސް ފުލުހުން ބުނެއެވެ.
ދިރޭ ޖަނަވާރު އެތެރެ ކުރުމުގެ ގަވާއިދުގައިވާ ގޮތުން ރާއްޖެއަށް އެތެރެ ކުރުން ހުއްދަ ނޫން ޖަނަވާރެއް އެތެރެކޮށްފިނަމަ، އެ ޖަނަވާރެއް އަނބުރާ ފޮނުވާލެވޭނެއެވެ. ނުވަތަ އެ ޖަނަވާރެއް ނައްތާލެވޭނެއެވެ. އަދި އެކަމަށް ދާ ހަރަދަށް ޒިންމާވާން ޖެހޭނީ ޖަނަވާރު ގެނަ ފަރާތުންނެވެ.
