ހުޅުމާލެ ފިހާރައަކުން ވައްކަން ކޮށްފައިވާ މައްސަލައެއް ފުލުހުން ބަލަން ފަށައިފިއެވެ.
ފުލުހުން ބުނީ ހުޅުމާލެ ހޮސްޕިޓަލް ކުރިމަތީގައި ހުރި ފިހާރައަކުން ވައްކަން ކޮށްފައިވާ މައްސަލަ މި މައްސަލަ ރިޕޯޓްކޮށްފައި ވަނީ މިއަދު ހެންދުނު 9:26 ހާއިރު ކަމަށެވެ.
މިހާތަނަށް ބެލި ބެލިމުން އެ ފިހާރައިން ފައިސާއާއި މޯބައިލް ފޯނެއް ވަގަށް ނަގާފައިވާކަން އެނގިފައިވާ ކަމަށް ފުލުހުން ބުނެއެވެ. އަދި މި މައްސަލަގާއި އަދި މިހާތަނަށް މީހަކު ހައްޔަރުކޮށްފައި ނުވާ ކަމަށް ފުލުހުން ބުނެއެވެ.
މީގެއިތުރުން މައި ޑެންޓިސްޓް ކްލިނިކްގެ ދޮރަށް ގެއްލުންދީފައިވާ މައްސަލައެއް ވެސް މިއަދު ހެނދުނު 9:26 ހާއިރު ރިޕޯޓްކޮށްފައިވާ ކަމަށް ފުލުހުން ބުނެއެވެ. މި މައްސަލައާ ގުޅިގެން ވެސް އަދި މިހާތަނަށް އެއްވެސް މީހަކު ހައްޔަރުކޮށްފައެއް ނުވެއެވެ.
ފުލުހުން އިތުރަށް ބުނީ މި 2 މައްސަލަ ވެސް އިތުރަށް ތަހުގީގު ކުރަމުންދާ ކަމަށެވެ.
