ރާއްޖޭގެ ހާޖީންގެ ކަންކަން ބެލެހެއްޓުމަށް ސަރުކާރުގެ ފަރާތުން ހަރަކާތްތެރިވާ ހައްޖު މިޝަންގެ މެންބަރުން ސައުދީ އަރަބިއްޔާއަށް ފުރައިފިއެވެ.
އިސްލާމިކް މިނިސްޓްރީން ބުނީ ދިވެހި ހައްޖާ ޖީންނަށް ކަންކަން ފަސޭހަކޮށްދިނުމަށް ސައުދީގެ ކަމާ ބެހޭ ފަރާތްތަކާއި ގުޅިގެން ގިނަ މަސައްކަތްތަކެއް މި މިޝަންއިން ކުރަމުންދާނެ ކަމަށެވެ.
ހައްޖާޖީންގެ އިންތިޒާމްތައް ރަސްމީ ގޮތެއްގައި ބެލެހެއްޓުމުގެ ގޮތުން އެކުލަވާލި ހައްޖު މިޝަންގައި ހިމެނެނީ 7 ފަރާތެކެވެ. އޭގެ ތެރޭގައި ޑޮކްޓަރަކާއި މިނިސްޓްރީގެ މީޑިއާ ހިމެނެއެވެ.
ހައްޖު މިޝަންގައި ހިމެނޭ ފަރާތްތަކަކީ:
- އުސާމް މުހައްމަދު
- މުހައްމަދު ޝަކީލް
- ޑރ. އަހުމަދު އަސްލަމް އަބްދުﷲ
- މުހައްމަދު ރަމީޒް
- އަހުމަދު އަދީލް
- އަބްދުލް އަޒީޒު އިސްމާއީލް
- ޖަންނަތު ސައީދު
- ޒަމްއަތު އަހުމަދު ވަހީދު
- އިބްރާހީމް އަކްމަލް
މިއަހަރުގެ ހައްޖުގެ މަތިވެރި އަޅުކަމަށް ރާއްޖެއިން 1000 މީހުން ޙައްޖުގެ އަޅުކަމަށް ފުރާނެއެވެ. ސައުދީ އަރަބިއްޔާއިން ރާއްޖެއަށް ދޭ 1،000 ހައްޖު ކޯޓާ މިފަހަރު ސަރުކާރުން ދީފައި ވަނީ ހައްޖު ކޯޕަރޭޝަން އަށް އެކަނިއެވެ.
އެގޮތަށް ނިންމާފައިވަނީ ވަރަށް ގިނަ ޖަމާއަތްތަކުން މީހުން އަތުން ފައިސާނެގުމަށްފަހު ހައްޖަށް ނުދެވުމުގެ މައްސަލަތަކުގެ އިތުރުން ބިޑް އުސޫލުން ކޯޓާ ނެގުމަށްފަހު، ކޯޓާ ބޮޑު އަގުގައި ވިއްކާ މައްސަލައަށް ހައްލު ހޯދައި ދިނުމުގެ ގޮތުން ކަމަށް އިސްލާމިން މިނިސްޓަރު ޝަހީމް ވަނީ ވިދާޅުވެފައެވެ.
